27 октября 2023
Дас коймöд петас. Небöгкöд аддзысьöм / Двадцать третий выпуск. Книжное свидание
Пыдди пуктана лыддьысьысьяс!
2023 воын «Анбур» небöг лэдзанiн йöзöдic Елена Козловалысь «Рытъя кыаöй менам...» гижöд чукöр, лöсьöдіс Елена Афанасьева, серпасалic Юрий Лисовский. Небöгö пырисны верстьöлы лыддьöм вылö повесьтъяс, висьтъяс да кык пьеса. Эм позянлун тöдмасьны и челядьлы сиöм некымын гижöдöн. Елена Васильевна аслас гижöдъясын медсясö петкöдлö коми аньлысь олöм-вылöмсö, мöвпаланногсö да пытшкöс сямсö.
Коми йöзкостса гижысь Серафим Попов вöлӧма Айму вӧсна Ыджыд тыш вылын, и тайö визьыс пырö сылöн творчествоö дыр кад кежлö. Сiйӧ висьталö и солдатлöн быдлунъя олöм йылысь, и кыдз найö öти ыджыд вынöн тышкасьöны вӧрӧгкöд, и кыдзи усьöны том зонкаяс, а юрас налöн сöмын рöдина, ас сикт да мамлöн чужöм.
2022-öд вося «Войвыв кодзув» журналлöн 12 № йöзöдöма Серафим Поповлысь война кадся гижöдъяс. Тайö «Письмö» кывбур да «Генерал Микушев да сылöн 41-öд стрелкöвöй дивизия йылысь балладаысь» юкöн. Кывзам да донъялам!
