22 февраля 2023
Дас öтиöд петас. Коми шы / Одиннадцатый выпуск. Коми эхо
Пыдди пуктана лыддьысьысьяс!
«Национальнöй библиотека – небöга шöрин» проект водзö тöдмöдö коми гижысьяслöн творчествоöн.
Михаил Лебедев – коми литератураын подув пуктысьяс пиысь öти. Коми гижысьлысь кывбуръяс да басняяс йöзöдöма «Войвыв кодзув» журналын 2022 вося 10-öд номерын.
Куим небöгö öтувтöм гижöд чукöрын медводдза томас пыртöма Владимир Тиминлысь уна чöжöн гижöм кывбуръяс. Медшöр мöвпнас лоö чужан му да сылöн важъя олöм, коми кыв да сiйöс видзöм-лелькуйтöм, ас йöз вöсна тöжд да аскиа лунö эскöм.
2022 вося август тöлысся «Войвыв кодзув» журнал йöзöдic Эдуард Тимушевлысь «Жар пывсян», «Йöзöдтöм висьт», «Пыж», «Сьöд кокора» висьтъяс. Кывзам да донъялам!
