15 июня 2022
Сизимöд петас. Выль небöгъяс / Седьмой выпуск. Книжные новинки
Пыдди пуктана лыддьысьысьяс!
«Национальнöй библиотека – небöга шöрин» проект водзö тöдмöдö коми гижысьяслöн творчествоöн.
Алексей Поповлöн «Чуб ю кузя пурйöн кывтам» выль небöгö пырисны: «Кыз, Вöсни да мукöд», «Руч, Кöч да Вурдысь» мойдъяс, «Чуб ю кузя пурйöн кывтам», «Шань Олыся» повесьтъяс да висьтъяс.
Кывбуръяс радейтысьяслы вöзъям Любовь Ануфриевалысь «Еджыд бобула турöб» öктöд. Пыртöма вöр-ва да чужан сикт, матысса йöз дiнö муслун, мортлöн майшасьöм да пытшкöсса сьöлöмкылöмъяс йылысь кывбуръяс.
Елена Афанасьевалöн «Дуда чуксалö» небöг водзö нуöдö «Дуда платтьöа» да «Дуда кимöститчö» небöгъясын панöм сёрнисö. Шöр геройясыс – сиктса кык ныв: Ёля да Шор. Мича серпаса петас позьö лыддьыны комиöн да рочöн.
