20 апреля 2022
Вын
Дона лыддьысьысь!
Со талун ми бара тiянкöд! И кöсъям талун тöдмöдны выль небöгöн. Шусьö небöгыс «ВЫН» - проза да поэзия чукöр. Сборникö пырисны Ксения Кармановалöн, Анастасия Кошлецлöн, Клавдия Касеевалöн, Анна Кучевалöн, Елена Игнатовалöн, Александр Шебыревлöн да Олег Уляшевлöн прозаа да поэзияа гижöдъяс.
Сборник нимсö эз ков дыр корсьны, нимыс чужис ачыс. Быдöн тайö автор пиысь восьтö да сöвмöдö коми литератураын вöвлытöм на нырвизь, темаяс, формаяс, метафораяс. Нэмöвöйся коми оласног да важ коми видзöдласъяс, кодъяс вылö мыджсьö став авторыс, ловзьöны литератураын да ловзьöдöны усурмунöм коми литературасö выль лыддьысьысьлы.
«ВЫН» сборник – талунъя коми литератураын эталон. Татшöм вына гижöд чукöрыс коминас эз вöв ни матысса кадъясö, ни войдöр. Тайö небöгас öтувтöма öнiя кадся медбур гижöдъяссö, кодъяскöд талунъя коми литератураын нинöм орччöднысö. "Вын" - тайö выль туй, вына туй, выль поэзия да проза - лоас лов сертиыс писькöс вежöра комияслы, арлыд вылö видзöдтöг.
«ВЫН» - ыджыд коми литературалöн талуныс да аскиыс. Мöд туйыс бур коми гижöдлы абу.
Лыддьöй небöгсö да донъялöй!
Вын : [поэзия да проза] / Ксения Карманова, Касеева Клавдия, Кошлец Анастасия, Игнатова Елена, Кучева Анна, Шебырев Александр, Уляшев Олег ; чукöртысь-лöсьöдысьяс Е. И. Валужене, О. И. Уляшев ; Е. И. Валужене, О. И. Уляшев редакция улын. - Сыктывкар : Коми республиканская типография, 2022. - 349 лист бок.
Инвентарнöй номеръяс:13076к-кр, 13077к-дх, 13078к-дх, 13079к-дх, 13079к-дх, 13081к-а, 13082к-а.
