Коми му йылысь быдмысь войтырлы висьтъяс

Дона лыддьысьысьяс!

Талун корам лыддьыны И. Жеребцовлысь да П. Столповскийлысь небöг, кодöс урчитöма шöр школаын велöдчысьяслы. Унатор тöдмаласны, лыддясны кö, и верстьö войтыр, кодъяс радейтöны ас чужан му.

История наукаса доктор И. Л. Жеребцов да нималана гижысь П. М. Столповский небöгын висьталöны миян Коми муным, сылöн зэв важ нэмъяссянь öнiя лунъясöдз история йылысь. Уна сюрс во саялісны тыдавтöм ылö. И мыйсö сöмын эз аддзыв муным тайö кузь кадколастнас. Миянöдз воисны йöзкостса уна важ висьт, мойд да сьыланкыв, кöні петкöдлöма сійö кадся войтырлысь олöм-вылöмсö, войвыв вöр-ва радейтöмсö да сійöс видзöмын сямлунсö.

Небöг лöсьöдысьяслöн мöвп серти, колö видзны вунöдöмысь и ассьыным пыдi вужъяснымöс, сöмын сэки кокув муным лоö збыльысь ас, радейтана да муса.

Небöгсö бур кывйöн гижöма, кокниа лыддьыссьö, воö сьöлöм вылад.

Жеребцов И. Л. Коми му йылысь быдмысь войтырлы висьтъяс / И. Жеребцов, П. Столповский ; комиöдiс А. Попов ; серпасалiс Г. Н. Шарипков. - Сыктывкар : Анбур, 2009. - 316, [4] л. б.

Инвентарнöй номеръяс: 10746к-дх, 10747к-дх, 10748к-дх, 10749к-а, 12338к-кибо.