27 октября 2021
Шондiа му
Дона лыддьысьысь!
Талун вӧзъям лыддьыны Удораса гижысьяслысь «Шондiа му» небӧг. Налӧн гижӧдъясӧн, налӧн лов шыӧн, налӧн муслунӧн тыр тайӧ небӧгыс.
Небӧгас чукӧртӧма Удораын коркӧ овлӧм да ӧнiя олысь-вылысь коми войтырлысь кывбуръяс, казьтылӧмъяс, тешъяс да неыджыд висьтъяс.
Чужан му йылысь кывбуръясӧн петкӧдчӧны Пётр Бушенев, Николай Жилин, Надежда Логинова, Людмила Муравьева, Альбина Селиванова, Борис Палкин. Мыйта налӧн кывбуръясын шоныдыс, Мозын да Вашкалӧн, ичӧт юяслӧн, ёльяслӧн сӧстӧмыс, лӧньыс да ыззьылӧмыс. Да мыйта курыдыс - кор пырзьӧны Удораса керка доръяс...
Гижысьяс костысь кодкӧ важысянь нин гижӧ, кодкӧ первойысь на пырӧдчӧ ӧтувъя небӧгӧ, но ставлӧн гижӧдыс Удора йылысь, сылӧн юяс да ёльяс, ыбъяс да видзьяс йылысь.
Ёртъяс, лыддьӧй небӧгсӧ да донъялӧй!
Шондiа му : висьтъяс, кывбуръяс, казьтылӧмъяс / лӧсьӧдысьяс С. Ю. Говорухина, Н. А. Обрезкова ; кышӧдас снимокыс Мария Худяковалӧн. - Сыктывкар : Коми республиканская типография, 2021. - 126, [1] лист бок.
Инвентарнӧй номеръяс: 12860к-кр, 12861к-дх, 12862к-дх, 12863к-дх.
