29 сентября 2021

Зарни бобув

Дона лыддьысьысьяс!

Талунъя петас сиам поэия радейтысьяслы и тӧдмӧдам Олег Уляшевлӧн «Зарни бобув» выль асшӧр сборникӧн.

Уляшев Олег Иванович чужлiс 1964 вося июнь 21 лунӧ Кулӧмдiн районса Вӧльдiн сиктын.

Медводдза кывбурсӧ, «Калбас видзысь кань» басня, йӧзӧдлiсны «Чушканзi» журналын 1976 воын. Сёрӧнджык асшӧр да комиӧдӧм кывбуръяс петавлiсны районса да Россияса журнал-газетын, поэзия ӧтувъя сборникъясын. 1990 воясӧ «Восьса ӧшинь дорын» кассетаа сборникын петавлiс «Кӧмтӧм нывкалы» неыджыд небӧгтор, кодi пырис сiйӧ жӧ нима торъя юкӧнӧ и тайӧ сборникас. Вель ыджыд кывбур чукӧр Олег Уляшев пыртлiс аслас «Орд ордым» небӧгӧ 2006 воын.

А дзик асшӧр кывбур сборникыс гижысьлӧн тайӧ медводдза на.

«Зарни бобув» кывбура сборникӧ вояс серти куим пельӧ юклӧмӧн пыртӧма 1993-2020 воясӧ пӧшти став гижлӧмторсӧ, а сiдзкӧ, лыддьысьысь ачыс вермас донъявны Олег Уляшевлысь поэзия ру вежсьӧмсӧ, олӧм вылӧ видзӧдлас сӧвмӧмсӧ да и ассьыс поэтлысь олантуйсӧ.

Небӧгсӧ вермас лыддьыны быд арлыда коми морт, кодӧс кыскӧ поэзия дорӧ, кодлы лов сертиыс олӧм йылысь мӧвпалӧм, кодi оз петитчы му выв мичсьыс.

Ёртъяс, лыддьӧй небӧгсӧ да донъялӧй!

Уляшев О. И. Зарни бобув : кывбуръяс / Олег Уляшев ; художник: О. И. Уляшев. - Сыктывкар : Коми йöзöдчан керка, 2021. - 222, [1] лист бок.

Инвентарнӧй номеръяс: 12853к -дх, 12990к-дх, 13021к-дх, 13022к-дх, 13023к-ао, 13024к-ао, 12854к -кр.