23 июня 2021
Сьӧлӧмӧй танi
Дона лыддьысьысьяс!
Талун вӧзъям лыддьыны коми поэт да прозаик Юрий Константинович Васютовлысь небӧг.
Гижысь быдмылӧма да унджыксӧ овлӧма Удораын. Уджавлӧма «Выль туйӧд» газет редакцияын. Уна гижӧма челядьлы.
«Сьӧлӧмӧй танi» - тадзи шусьӧ талунъя вӧзъян небӧгыс. Татчӧ пырисны гырысьяслы гижӧм чужан му да дона вӧр-ва йылысь медбур кывбуръясыс.
Эз ышӧд челядьдырсянь менӧ море,
Тельняшка вылӧ завидьысь эг пот.
Ме сьӧлӧмӧйлысь сэнi овны кори,
Кӧн море кодь жӧ вӧр-ваыслӧн от.
("Сьӧлӧмӧй танi")
Гашкӧ, мӧдлы танi абу шоныд,
Вывтi дзескыд татчӧс оланiн, -
Ме ог куж ас йӧзысь бокын лоны,
Сиктса олӧм вылӧ куньны син.
("Чужан му")
Гижӧд чукӧрӧ пырис и «Первойя лым чир» поэма, кӧнi поэт петкӧдлiс кык том мортлысь судьбасӧ, налысь шудсӧ и шогсьӧмсӧ, бурӧ эскӧмсӧ, олӧмӧ кутчысьӧмсӧ.
Ёртъяс, лыддьӧй небӧгсӧ!
Васютов Ю. К. Сьöлöмöй танi : кывбуръяс, поэма / Юрий Васютов ; ред. В. А. Попов ; серпасалiс М. П. Безносов. - Сыктывкар : Коми книжнöй издательство, 1966. - 55, [1] л. б.
Инвентарнöй номеръяс: 3163к-кр, 3168к - дх, 3171к - дх, 3167к - а.
