Войтъяс

Дона лыддьысьысьяс!

Талун тöдмасям Коми республикаса нимйöза гижысь Алексей Поповлöн выль небöгöн, нимыс сылöн - «Войтъяс».

Небöгас пыртöма неыджыд висьтъяс. Кызь сайö во нин гижысь кадысь кадö содталö "Войтъяс" дорас неыджыд висьтъяс. Сюрöсъясыс гижöдъясыслöн аслыспöлöсöсь, торъялöны öта-мöдсьыс. Быттьö и абу пыдiтi гудйыштöма гижысьыс, но тайö медводдза видзöдлас сертиыс сöмын.

Быд гижöдтор зэв джуджыд мöвпъяса, олöмыслысь гугсö да бансö петкöдлана. Алексей Попов мöвпалö бур вöчöмлöн коланлун, йöзыслöн олан сям йылысь.

Со кыдзи мöвпалö гижысь аслас висьтъяс йылысь: «Ме тайö висьтторъяс вылас видзöда дзик жö шуда мам моз. Мелiлунöн тыр синъясöн. Сьöлöм пуктöма лои найöс гижигöн, найöс мöвпалiгöн… Ас пайысь зiли петкöдлыны миян олöмыслысь посньыдик войтъяссö. öд буретш ичöтик, синмö ёна шыбитчытöм лоöмторъясысь и тэчсьö олöмным, тыдовтчö миянöс кытшалысь йöзлöн сямыс. Олöм дорö матыстчöмыс…»

Ёртъяс, лыддьöй небöгсö да донъялöй!

Попов А. В. Войтъяс : висьтъяс = Капельки : рассказы / Алексей Попов ; [перевод с коми Анастасии Поповой]. - Сыктывкар : Эском, 2020. - 69, [1], 73, [1] лист бок.

Инвентарнöй номеръяс: 12786к - кр, 12814к - дх, 12815к - дх, 12816к - дх, 12817к - а.