28 апреля 2021
Мӧдлапӧлын
Дона лыддьысьысьяс!
Талун тöдмасям том гижысьлöн небöгöн.
Татьяна Кирпиченко чужис 1990-öд воын Новосибирскын. Челядьдырыс коли Ухтаын, Изьва районса Дiюр грездын. 2008-öд воын помалiс Краснобор сиктса школа, 2013-öд воын - Сыктывкарса канму университет, филология факультет. Кывбуръяс гижис квайт арöссянь.
Том гижысьлöн кывбуръясыс петавлісны «Арт», «Войвыв кодзув» журналъясын, «Медводдза муслун» сборникын.
Уджавлiс Красноборса школаын роч кыв да литература велöдысьöн.
2017 воын том гижысь сьӧкыд висьӧм бӧрын кувсис.
Ас бöрсьыс Татьяналӧн коли уна кывбур. И декабрь 2017 воын петіс том гижысьлӧн мича кывбуръяса «Мӧдлапӧлын» небӧг, кодӧс талун и вӧзъям лыддьыны.
Татьяна Кирпиченколысь поэзиясӧ он на пыр и гӧгӧрво - колӧ мӧвпыштчыны, син водзад вайӧдны серпасалӧм здуксӧ, чӧв олыштны ас кежсьыд. Сӧмын сэк воссьӧ кывбурӧ овмӧдӧм мӧвп джудждаыс, лолыд вочавидзӧ сылӧн вынлы...
Менам войвывса мойд, коми кыв,
Кутшӧм дыр тэлань восьлалi чӧла…
Ме и нэм помӧдз тэ дінӧ кела,
Карысь петавлӧм ичӧтик ныв.
Лолам йиджтысьӧм войт, чужан кыв,
Вӧлін сибавны позьтӧм да руа…
Ӧні содз тырӧн ме тэнӧ нуа.
Кӧсъян – вӧртасӧдз? Сӧмын тэ сьыв!
Кодкӧ ю шӧрӧ кольӧма тыв...
Сы пыр миянлы сӧдзтысьны колӧ.
Шонді ва вылӧ югӧрсӧ кольӧ,
Кыдзи лов вылӧ тэ, менам кыв.
Ёртъяс, лыддьӧй небӧгсӧ! Виччысям тiянӧс библиотекаын!
Кирпиченко Т. В. Мöдлапöлын = На другом берегу : стихотворения / Татьяна Кирпиченко ; [вступ. ст. А. В. Малевой ; пер. с коми Ю. В. Королевой ; худож. А. Уляшина ; фото. С. В. Ануфриева ; сост. Г. А. Кирпиченко]. - Сыктывкар : [б. и.], 2017. - 231 с., [20] л. ил.
Инвентарнöй номеръяс: 12412к - кр, 12415к - а, 12413к - дх, 12414к - дх, 12728к - дх.
