24 марта 2021
Йӧрын да вӧрын
Дона лыддьысьысьяс!
Талун вӧзъям лыддьӧм вылӧ Василий Лодыгинлысь «Йӧрын да вӧрын» небӧг. Тайӧ небӧгыс - ыджыд козин томуловлы.
Небӧгыс тӧдмӧдӧ чужан мукӧд. Мича коми кывъя лов кыпӧданторъясыс - чужан му вӧрнас и йӧрнас, чужысьнас и быдмысьнас, поснинас и гырысьнас, лэбалысьнас и ветлысьнас, дзольгысьнас и сьылысьнас. Тайӧ гажа му вылысь дзоля морт ставсӧ казялӧ да босьтӧ сьӧлӧм бердас. Сiйӧ радлӧ, сiйӧ шуда.
Коми челядь сюсьӧсь, зiльӧсь,
Дасысь тшӧктыны оз ков.
Быдӧн мыйкӧ ассьыс тiльӧ,
Ачыс шедтӧ нянь да сов.
Зонка дассянь кыйсьӧ вӧрын,
Вайӧ гортӧ сьӧла-ур.
Ӧтнас узьӧ парма шӧрын,
Ошлӧн гыж улӧ оз сюр.
Лыддьöй челядькöд небöгсö öтвылысь да донъялöй!
Виччысям тiянöс библиотекаын!
Лодыгин В. Г. Йöрын да вöрын : кывбуръяс / В. Лодыгин ; серпасалiс В. А. Клейман. - Сыктывкар : Анбур, 2008. - 93,[3] л. б.
Инвентарнöй номеръяс: 10236к - дх, 10237к - дх, 10238к - а,11412к - а, 1487- кибо, 1844 - кибо.
Небöгсö сiдзжö позьö лыддьыны НЭБ-ысь
