Менам дона сикöтш-ожерельеöй

Дона лыддысьысьяс!

Талун корам лыддьыны Нина Куратовалысь небöг.

«Менам дона сикöтш-ожерельеöй» — татшöм мича ним улын вöзйö лыддьысьысьяслы ассьыс небöгсö Коми Республикаса нималана гижысь Нина Куратова.

Быд сикöтш моль сылöн — торъя повесьт либо висьт, кöнi автор литературнöй геройыскöд тшöтш радлö и висьö сьöлöмнас, зiльö тöдмавны да петкöдлыны мортлысь лов пессьöмсö да кöсйöмсö, олöм визувлысь корöм-тшöктöмсö.

Небöгын уна гижöд автобиографичнöй. Авторыс казьтылö, выль пöв нуöдö вежöр да сьöлöм пырыс аслас олöмын паныдасьлысь лоöмторъяссö, юксьö лыддьысьыськöд да тшöктö тшöтш корсьны вочакыв, мыйла сiдзи либо тадзи артмöны олöм воськовъясыс. Олöмыс öд збыль медся донаторйыс мортыдлöн!

Лыддьöй окотапырысь небöгсö да донъялöй!

Куратова Н. Н. Менам дона сикöтш-ожерельеöй: Повесьтъяс, висьтъяс, пьесаяс, олöмысь серпасторъяс / Н. Н. Куратова. - Сыктывкар: ООО «Анбур», 2009. - 752 л.б.

Инвентарнöй номеръяс: 10810к - кр, 10812к - дх, 10813к - дх, 10814к - а, 10815к - ао, 10816к - а.

Ёртъяс, виччысям тiянöс библиотекаын.