02 сентября 2020
Шуд войт
Дона лыддьысьысьяс!
Талун лыддям коми аньяслысь кывбура сборник.
Шусьӧ кассетнӧй сборникыс «Шуд войт». Татчӧ ӧтувтӧма Людмила Втюриналысь, Алена Мальцевалысь, Надежда Павловалысь да Анастасия Шомысовалысь медводдза асшӧр небӧгъяссӧ. Быдӧнлӧн кывбуръясыс ас кывъя, ас мӧвпа, ас видзӧдласа. И век жӧ аньяслӧн поэзияын эм и уна ӧткодьыс: тайӧ муса морт, мам кыв, чужан му дорӧ муслун. Та вӧсна, гашкӧ, и бур, мый небӧгъяссӧ ӧтувтӧма ӧти кышӧд улӧ да нимтӧма сборниксӧ «Шуд войтӧн» - мед шудыс и войт мында, но оз ков сiйӧс воштавны-бырӧдны, а чукӧртны ӧтилаӧ: войт дорӧ войт, и ыджыд шуд ӧкмас.
Людмила Втюриналӧн – Зарни Люсялӧн – кывбуръясас эм и шог, и курыд, но орччӧн – и аскиа лунӧ эскӧм, югыд, ясыд видзӧдлас да мывкыд кывкӧртӧд.
Втюрина Л. З. Шоныд дiяс : кывбуръяс. - Сыктывкар, 2006. - 45, [3] л. б.
Инвентарнöй номеръяс: 9563к - кр, 9564к - дх, 9565к - дх, 9629к - дх.
Алёна Мальцева аслас кывбуръясын мӧвпалӧ вӧр-ва да радейтчӧм йылысь, чужанiн да олӧмын лоӧмторъяс йылысь.
Мальцева А. А. Сьöлöм джын : кывбуръяс. - Сыктывкар, 2006. - 45, [1] л. б.
Инвентарнöй номеръяс: 9567к - кр, 9568к - дх, 9569к - дх, 9570к - а, 9628к - дх, 10311к - а.
Надежда Павловалӧн кывбуръясын эм мый нимкодьмӧдӧ, и жугыльтӧ ловтӧ, мый дойдӧ, и мый бурмӧдӧ сьӧлӧмтӧ – ставыс, мый шусьӧ морт олӧмӧн.
Павлова Н. М. Шондia асыв! : кывбуръяс. - Сыктывкар, 2006. - 45, [3] л. б.
Инвентарнöй номеръяс: 9571к - кр, 9572к - дх, 9573к - дх, 9574к - а, 9627к - дх, 10309к - а.
Анастасия Шомысовалӧн кывбуръясыс радейтчӧм, Коми му да войвывса вӧр-ва йылысь. Быд кывбурын ясыда тыдовтчӧ шаня шогалӧм, шуд корсьӧм. А ас му дорӧ гижысь шыасьӧ пыдди пуктӧмӧн, быттьӧ корӧ отсавны, гӧгӧрвоны сiйӧс.
Шомысова А. А. Зэрöм бöрын : кывбуръяс. - Сыктывкар, 2006. - 45, [3] л. б.
Инвентарнöй номеръяс: 9575к - кр, 9576к - дх, 9577к - дх, 9578к - а, 9626к - дх, 10312к - ао.
Ёртъяс, лыддьӧй кывбуръяссӧ да донъялӧй!
Небöгъяссö сiдзжö верманныд лыддьыны НЭБ-ысь
https://neb.nbrkomi.ru/docs/common/RKOMIBIBL0001195146
Ёртъяс, лыддьӧй кывбуръяссӧ да донъялӧй!
Небöгъяссö сiдзжö верманныд лыддьыны НЭБ-ысь
