26 августа 2020
Выль посёлокын
Дона лыддьысьысьяс!
Талун вӧзъям лыддьӧм вылӧ Владимир Ширяевлысь «Выль посёлокын» небӧг.
Ширяев Владимир Архипович, сійӧ жӧ В. Архипов, В. Трофимов - коми челядьлы кывбур да проза гижысь. Чужлӧма Нёбдін сиктын. Редакторалӧма коми радиоын, литконсультанталӧма Коми гижысь котырын, секретаралӧма «Войвыв кодзув» журналын. Йӧзӧдчӧма 1950 восянь.
Вӧр лэдзысьяслӧн посёлок Чӧртасдін. Гӧгӧрыс - парма. Локтӧ татчӧ гӧститны Сыктывкарысь Петя Другов, тӧдмасьӧ Борис Пименовкӧд, нывка Риммакӧд, Подоров вокъяскӧд.
Зіль да бур йӧз олӧны посёлокын. Найӧ пуктӧны став вын сы вылӧ, медым сетны страналы унджык вӧр. Гажаа олӧны и челядь. Но эмӧсь на йӧз, кодъяс вермӧны тшыкӧдны мукӧдъяслысь кыпыд олӧмсӧ. Та йылысь висьтавсьӧ тайӧ небӧгын.
Ширяев В. А. Выль посёлокын : [повесьт]. - Сыктывкар: Коми книжнӧй издательство, 1976. 164 лб.
Инвентарнöй номеръяс: 4348к
