Олöм войтъяс

Дона лыддьысьысьяс!

Талун вöзъям лыддьöм вылö Алексей Поповлысь выль небöг.

Попов Алексей Вячеславович, сійӧ жӧ Висер Ӧль – коми прозаик да драматург, комиӧдчысь, Коми Республикаса народнöй гижысь. Чужис висервожса Ыджыдвиддзын. Велӧдчӧм серти историк. Йӧзӧдчӧ 1971 восянь.

«Олöм войтъяс» - тайö небöгас кызвынсö пырисны бöръя кадас гижöм повесьтъяс да висьтъяс. Нимыс лöсялö быд гижöдлы. Ӧд буретш ичöтик, синмö ёна шыбитчытöм лоöмторъясысь, быттьö войтъясысь, и тэчсьö олöмным, тыдовтчö миянöс кытшалысь йöзлöн сямыс, олöм дорö налöн матыстчöмыс. Войтырыс, код йылысь висьтавсьö висьт-повесьтъясас, олöны сиктъясын да карын. Найöс öтувтö сiйö, мый кызвыныс шань сьöлöма да бур мöвпъяса йöз, но олöмад быдсяма шыбельыс овлö. Сöмын та дырйи оз ков воштыны этшсö да кольны мортöн. Тайöс и кöсйис висьтавны гижысь небöгас.

Ёртъяс, лыддьöй небöгсö да донъялöй!

Попов А. В. Олöм войтъяс : повесьтъяс, висьтъяс / Алексей Попов ; [серпасалiс А. А. Попова]. - Сыктывкар : Коми йöзöдчан керка, 2018. - 524, [3] лист бок.

Инвентарнöй номеръяс: 12553к – кр, 12554к – дх, 12555к – дх, 2556к – а.