17 июня 2020
Фараон
Дона лыддьысьысьяс!
Талун вӧзъям лыддьыны Александр Шебыревлысь выль небӧг.
Шебырев Александр Васильевич - коми кывбур гижысь. Чужӧма эжвайывса Пожӧгын. Корреспондентавлӧма «Парма гор» газетын. Уна сылӧн кывбур лоӧма сьыланкывйӧн.
«Фараон» - тайӧ гижысьлӧн прозаа медводдза асшӧр небӧг, сідз шусяна психологическӧй прозалӧн медбур лист бокъясысь ӧти.
Висьтъясыс восьтӧны авторыслысь пыді, гашкӧ, и гуся мӧвпъяссӧ.
Оз явӧ, дзебыштӧмӧн найӧ петкӧдлӧны, кыдзи коми мортыс восьтӧ-тӧдмалӧ асьсӧ Вӧр-ва пырыс, кыдзи сійӧ жӧ Вӧр-ваыс да коми оласногыс сетӧны сылы морттуйсӧ. Сідзи жӧ, оз явӧ, гижӧдъясыс велӧдӧны, кыдзи сьӧкыд здукӧ кольны Мортӧн, индӧны, мый весиг медся гудырӧ да лёкӧ веськалӧм бӧрын кольӧны надея да петан туй.
Лыддьӧй небӧгсӧ да донъялӧй!
Шебырев А. В. Фараон: висьтъяс / Александр Шебырев. - Сыктывкар: Коми йöзöдчан керка, 2019. - 189, [2] с.
Инвентарнöй номеръяс: 12659к – дх, 12660к – дх, 12661к – дх, 12662к – ао.
