03 июня 2020
Ме славита мир
Дона лыддьысьысьяс!
Талун вöзъям лыддьыны Серафим Алексеевич Поповлысь «Ме славита мир» кывбура небöг.
Небöгыс артмöма нёль юкöнысь. Медводдза юкöныс висьталö мирын мир вöсна йылысь. Мир вöсна борецъяслöн манифестын шуöма, мый мир оз виччысьны, а завоёвывайтöны. Палачьяслöн планъясыс вермасны да долженöсь жугавны став народъяслöн öтвыв вöляö, кодöс веськöдöма выль война öзтысьяслы паныд.
Небöглöн öтувъя идеякöд топыда йитчöмаöсь и мöд юкöнъясса кывбуръяс, кöнi поэт славитö Рöдиналы благо вылö сöветскöй труженикъяслысь самоотверженнöй удж, петкöдлö войвывлысь войнабöрса воясö вежсьöм да быдмöм.
Гижысь ёся чувствуйтö сэкся олöмлысь ритмсö. Сiйö помтöг радейтö Рöдина да тайö чувствоясыс быттьö асьныс и пырöны сьöлöмö, думö, кор лыддян кывбуръяссö.
Серафим Попов вылын пафоса кывбуръясын петкöдлö творческöй удж вöрлэдзысьяслысь, геологъяслысь, речникъяслысь, стрöительяслысь, охотникъяслысь, угольщикъяслысь, нефтяникъяслысь, кодъяс став сьöкыдлунъяс вылö видзöдтöг, сетöны лунысь лун
…Унджык вöр пятилеткалы
Изшом
Металл да руда…
Кыдзи ми адзам, гижысь аслас вына кывбуръясас öтвылысь петкöдлö став коми уджалысь йöзлысь стремлениесö, чувствояссö мирын мир дорйöм вöсна благороднöй тышын, асланыс творческöй уджöн миян страналысь вын содтöмсö.
Ёртъяс, лыддьöй небöгсö да донъялöй!
Попов С. А. Ме славита мир : [кывбуръяс] / С. Попов ; ред. Я. Рочев ; серпасалiс М. П. Безносов. - Сыктывкар : Коми госиздат, 1951. - 95, [1] л. б.
Небöгсö сiдзжö верманныд лыддьыны НЭБ-ысь
