15 января 2020
Кодзула зэр
Дона лыддьысьысьяс!
«Кодзула зэр» - тадзи шусьӧ Алена Ельцовалӧн лирикаа гижӧд чукӧр, кодӧн тӧдмӧдам талун тiянӧс. Татчӧ пыртӧма гижысьлӧн 2000-2016 воясся кывбура да проза гижӧдъяс, вуджӧдӧмторъяс. Небӧгыс артмис нёль юкӧнысь.
«Му выв кад» юкӧн артмӧ поэтлӧн комиӧн ас гижӧм кывбуръясысь.
Мӧд юкӧн - «Эзысьӧн дзирдалысь войтъяс» - прозаӧн гижӧм неыджыд висьтторъяс. Гижысьлӧн творчествоын тайӧ выльтор. Кывбуръясын моз жӧ сэнi медся тӧдчанаторйӧн лоӧны лирика героинялӧн сьӧлӧмкылӧмъясыс, майшасьӧмыс, мӧвпъясыс – наӧн йиджтысьӧмаӧсь и гижӧдын петкӧдчысь вӧр-ваыс, и героиняӧс кытшалысь мирыс. «Войтъясыс» - тайӧ торъя ичӧтик гижӧдъяс, найӧс лыддигӧн авторкӧд тшӧтш чуймалан сыӧн казялӧмторъясыслы.
«Сӧмын вои ме тайӧ муас» юкӧн артмис мукӧд кывъя поэтъяслысь комиӧдӧм кывбуръясысь. Гижысь вуджӧдӧ роч, эст, китайса, финн поэтъяслысь кывбуръяссӧ. Сiдзкӧ, зiльӧ комиӧн петкӧдлыны мукӧд кывъя гижӧдъяслысь художествоа мичсӧ, налӧн авторъяслысь вына сьӧлӧмкылӧмъяссӧ.
«Кодзула зэрлӧн» бӧръя юкӧнас пыртӧма Алёналысь роч кыв вылӧ вуджӧдӧм кывбуръяс.
Алёна Ельцовалӧн кывбура да проза гижӧдъясыс - поэтлӧн сьӧлӧм да лов йылысь, найӧ ойдӧмаӧсь вына, пыді сьӧлӧмкылӧмъясӧн, авторлӧн уна сикас ловпытшса майшасьӧмӧн, югыд норлунӧн.
Лыддьӧй да донъялӧй небӧгсӧ, ёртъяс!
Ельцова Е. В. Кодзула зэр : кывбуръяс, проза гижöдъяс, вуджöдöмъяс / Алёна Ельцова. - Сыктывкар : Коми республикаса гижысь котыр, 2016. - 142, [1] л.б. Инвентарнöй номеръяс: 12315к – кр, 12316к – дхл, 12317к – дх, 12318к – дх, 12319к – а.
Небöгсö сiдзжö верманныд лыддьыны НЭБ-ысь
