26 июня 2019
О, Енмӧй!..
Дона лыддьысьысьяс!
Талун лыддям Виктор Напалковлысь кывбуръяс.
Виктор Напалковлӧн нимыс уна во нин тӧдса лыддьысьысьяслы. «О, Енмӧй!..» - татшӧм ним улын небӧгӧн тӧдмӧдам талун тiянӧс.
Тайӧ небӧгас пыртӧма сылысь важӧн нин гижлӧм кывбуръяс да сiйӧ кад кежлӧ выль петӧм кывбуръяс. Найӧс быттьӧ эськӧ гижӧма раминик горӧн кылысь кывъясӧн, но та сайын мыччысьӧ гижысь, коді сьӧлӧмсяньыс майшасьӧ олӧмын лоӧмторъяс вӧсна. Быд кывбурын кылӧ морт, чужан му, коми парма дорӧ помасьлытӧм муслун.
Виктор Напалков тэчӧма кывбуръяс, кодъяс матыссаӧсь да гӧгӧрвоанаӧсь кыдзи быдмысь войтырлы, сiдз и том да верстьӧ йӧзлы. Автор тӧдчӧдiс, мый «быд дзоридзын и лэбач дзользьӧмын, рытъя кыаын и асъя шондiын, чарда-гыма зэрын и пельтӧ чунӧдана лӧньлунын эм… Поэзия. Быд морт аддзӧ да кылӧ поэзиясӧ ас ногыс». Ас синмӧн аддзӧм рӧмъяссӧ и пыртiс гижысь аслас кывбуръясӧ.
Лыдтӧм кодзулӧн пӧртмасьысь енэж
Югыд синъяссӧ войбыд оз кунь.
Менсьым унзiльӧс бара нин венӧ
Асъя кыакӧд кыпӧдчысь лун.
Гора кывъясысь кывбуръяс видза,
Чусмӧм мӧвпъясысь найӧс ог кы,
Медым йӧзыслӧн сьӧлӧмӧдз йиджас
Менам гӧлӧслӧн йӧлӧга шы.
Чайтам, мый быд лыддьысьысь аддзас небӧгсьыс аслыс лӧсялана кывбуръяс. Лыддьӧй кывбуръяссӧ!
Напалков Виктор Егорович. О, Енмöй!.. : кывбуръяс, поэмаяс верстьöлы, том йöзлы, челядьлы / Виктор Напалков ; серпасалiс А. А. Попова. - Сыктывкар : Эскöм, 2007. - 252, [4] л. б.
Инвентарнöй номеръяс: 9861к – кр, 9862к – дх, 9863к – дх, 9864к – дх, 9865к – дх, 9866к – а, 9867к - а
