27 февраля 2019
Шондiа вой
Дона лыддьысьысьяс!
Талун вöзъям лыддьöм вылö Юрий Васютовлысь «Шондiа вой» небöг.
Гижысьлöн аслас киподтуйыс петкöдчис эз сöмын поэзияын, но и прозаын. Сылöн перö улысь петiсны и кывбуръяс, и поэмаяс, и висьтъяс, и повесьтъяс, и весиг пьесаяс. Видлiс асьсö и публицистикаын. Автор кужö сёрнитны сьöлöмсянь и гырысь войтыркöд, и посникöд. Гижöдъясыс оз лэбавны бордтöг, висьталöны сы йылысь, мый вöчсьö олöмас.
И со, «Шондiа вой» повесьтын гижысь сьöлöмсяньыс да кужöмöн петкöдлöма челядьдырся сьöкыд вояссö, сиктса велöдчысьяслысь пытшкöсса олöмсö, öта-мöдкöд ёртасьöмсö.
Небöгыс артмис куим повесьтысь: «Шондiа вой», «Шыр кывтö-катö» да «Мусукасян керка». Ставыс найö йитчöмаöсь чужан грезд да муса вöр-ва дiнö пöся радейтöмöн. Гижысь быттьö юасьö: «Мый лоас, кор эновтам ас сиктнымöс, пöрысь бать-мамнымöс, бырöдам вöр-ванымöс. Мый сэсся колям сэнi олысь йöзлы?» Тайö юалöмыс инмö быдöнлы, кодi радейтö ас чужан му.
Небöгыс лоас интереснö кыдз шöр да гырысь арлыда челядьлы, сiдз и верстьö йöзлы.
Лыддьöй да донъялöй, тiянлы гижöма!
Васютов Ю. К. Шондiа вой : повесьтъяс / Юрий Васютов; ред. А. В. Тентюков; небöгсö серпасалiс И. П. Муравьев. - Сыктывкар : Коми небöг лэдзанiн, 2002. - 316, [4] л. б.
Инвентарной номеръяс: 9162к – дх, 9165к – а, 8808к – кр, 8809к – дх, 9068к – дх, 11417к - а
Ёртъяс, радпырысь виччысям тiянöс библиотекаын!
