30 января 2019
Зарава
Дона лыддьысьысьяс!
Михаил Андреевичöс бура тöдöны миян республикаын. Медводдза кывбурсö йöзöдлöма 1973 воын «Войвыв кодзув» журналын. Тайö кадсяньыс поэтлöн петiс кывбуръяса квайт книга: «Öзын», «Восьса сьöлöмöн», «Лысва», «Бурас эскöмöн», «Арся дзоридзьяс», «Кодзула эжа». Тöдчана уджöн лои Каллистрат Жаковлысь «Биармия» эпическöй поэма вуджöдöм. Таысь Михаил Елькинлы сетöма Коми Республикаса государственнöй премия. Ыджыд пай Михаил Андреевич пуктiс коми литература сöвмöдöмö, том авторъясöс быдтöмö, - сiйö уна во вöлi «Войвыв кодзув» журналса редактöрöн, сэсся шöр редакторöн.
Томысянь поэт босьтчис гижны челядьдыр йылысь, кужöмöн петкöдлiс мам-бать дорö муслун, восьтiс вöр-валысь мичсö. Сёрöнджык пыртiс аслас творчествоö выль темаяс: радейтöм, олöмас асьсö öткöн кылöм.
Став тайö темаа кывбурыс пырис гижысьлöн выль небöгö. Уна кывбурын воссьö чужан мусö пыдди пуктöм, сы вöсна шогсьöм, му-ва вежсьöмöн нимкодясьöм – быд гижöдысь ловнад кылан бурдлытöм сьöлöм дой. Кывбуръясыс элегия кодьöсь, но тшöтш чуйдöны мöвпавны олöм йылысь, гöгöрвоны сылысь донсö. Сöдз коми кывйыс йиджö лов-вежöрад – козьналö поэзия.
Чайтам, мый лыддьысьысьлы сьöлöм вылас воас кывбур чукöрыс. Лыддьöй небöгсö!
Пунегов Николай Трофимович. Арся сьыланкыв : висьтъяс / Николай Пунегов ; серпасалiс П. И. Семячков. - Сыктывкар : Коми кн. изд-во, 1970. - 54, [2] л. б.
Инвентарнöй номеръяс: 3697к – кр, 3698к – дх, 3699к – дх, 10299к - а
