г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 20.00

Суббота - выходной

Воскресенье с 10.00 до 17.00

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
16 января 2019

Став олöм да нелямын лун

Дона лыддьысьысьяс!

Талун кöсъям вöзйыны лыддьöм вылö Николай Щукинлысь «Став олöм да нелямын лун» роман-висьтасьöм. Ачыс гижысьыс серамбана да шмонь радейтысь морт. Тайö бура тöдчö сылöн романас. Лыддигöн уналаын он вермы кутчысьны серамыдла.

Николай Щукин аслас гижöдас петкöдлöма, кыдзи сылöн быттьöкö кулöм бöрын лолыс олö му вылас нелямын лун. Автор шмонитiгмоз, сэк жö стрöга да быд боксянь донъялö му вылын ассьыс олöмсö. Но мукöдлатiыс шмонь сорöн гижöм лист бокъяссö лыддигöн кöсйыссьö весиг бöрддзыны, сэтшöм восьсöн сiйö петкöдлö быд сикас нелючкисö, тырмытöмторъяссö.

Аслас олöм йылысь висьтасигöн поэт дугдывтöг вензьö анделыскöд. А тайö анделыс, позьö гöгöрвоны, сылöн пыр корсьысьысь да ставсö стрöга донъялысь лолыс. Гижысь дугдывтöг юасьö ассьыс, а сiдзи-ö олiс му вылас, гашкö, колö вöлi мöд ног ставсö вöчны. Дерт, сiйö гöгöрвö жö, мый эз вöв анделöн. Но öд мый оз овлы мортыдкöд. И со öнi кулöм бöрас сiйö мöвпалö, кытчö нö веськалас: райö али адö. Дерт, ёна кö грекуйтны кутасны страшнöй суд вылад, ковмас лэччыны адö да пусьыны сир пöртйын. Но и райса садъясад сiйöс оз ёна кыскы. Гажаа олiс му вылас, унатор тöдлiс. И гажтöм сылы лоас раяд. Со и кулöм мортöс дугдывтöг кыскö му вылö.

Тайö роман-висьтасьöмнас автор быттьö кöсйис шуны, мый сетöма кö мортыдлы позянлун Му вылын коллявны ассьыс нэмсö, колö овны тыр вир-яя олöмöн. öд мöд олöмсö некодлы на эз вöв сетöма. Да и ачыс романыс помасьö тешкодя, кыдзи тайöс и позис виччысьны шмонь радейтысь мортсянь. Райö пыдди кулöм поэт веськалö адö.

Ёртъяс, лыддьöй нюмсера небöгсö да донъялöй!

Щукин Н. А. "Став олöм да нелямын лун" : автобиографическöй роман / Николай Щукин. - Сыктывкар : [б. и.], 2015. - 393 л. б.

Инвентарнöй номер: 12258к - дх (Сектор депозитарного хранения)

Виччысям тiянöс библиотекаын!

  • Жить надо достойно: Олег Куваев
    Жить надо достойно: Олег Куваев
    Огрызко В. В.
    Биобиблиографический указатель
  • Гербы стран Мира
    Гербы стран Мира
    Черепенчук В. С.
    Энциклопедия
  • Флаги мира
    Флаги мира
    Черепенчук В. С.
    Энциклопедия
  • 1000 самых известных монет мира
    1000 самых известных монет мира
    Ларин-Подольский И.А.
    Энциклопедия
  • Цитаты из русской литературы
    Цитаты из русской литературы
    Душенко К.В.
    Справочник
  • Коактивный коучинг
    Коактивный коучинг
    Практическое пособие
  • Криптвоюматика 2.0
    Криптвоюматика 2.0
    Марков А.
    Научно-популярная литература
  • Жлобология 1.7: откуда берутся деньги и почему не у меня
    Жлобология 1.7: откуда берутся деньги и почему не у меня
    Марков А. В.
    Научно-популярная литература
< >
Яндекс.Метрика