09 января 2019

Вой кыа улын

Дона лыддьысьысьяс!

Талунъя петас сиам поэзия радейтысьяслы и вöзъям лыддьыны Серафим Поповлысь «Вой кыа улын» небöг.

Серафим Алексеевич Попов – Коми му пасьта нималана поэт. Тöдöны сiйöс роч поэзия радейтысьяс, вуджöдöма гижöдъяссö и рубежсайса народъяслöн кывъяс вылö. Тайö абу веськодялысь морт, абу сöмын лöнь кывтэчысь. Нэм чöжыс поэт нимкодясис чужан мунас да коми йöзöн, - тайö шыясыс ыджыдалöны сылöн тöдмöдан сборникын.

Кывбуръясын петкöдчö коми войтырлöн олöмкылöмыс, олöм донъялöмыс, олансерыс, став мусаторсö öтлаын гижыськöд кылöмыс.

Ланьтлö гижысьлöн кыпыд сьöлöмыс войвывса войын, кор енежыс мойдын кодь мича, либö тувсовъя асывсö ыдждöдлiгöн. Челядьлöн кодь сöстöм сьöлöмкылöм инмö миянлы колипкай йылысь сьыланкывйын. Думыштчылö поэт мича да ён вовйвыв муса керка тшупысьяслöн кужöмлун йылысь; дивуйтчö тувсов расöн, кодöс шондiкöд йитöны зарни сияс.

Гижысь нора мöвпалö морт олöмлöн дженьыдик кад йылысь, мый йöз олöмын абу ставыс шань вöр-валöн олöмын моз. Сылöн кывбуръясын герой полö дзугны льöм пулысь дзордзалан долыд кадсö, радлö вöрын коллялан войлы, чуксалö миянöс тшöтш не узьны лöнь войö, аттьöалö сiйö здукъяссö, кор позьö öткöн кольччывлыны. Татшöмöсь поэтлöн медся инмана кывбуръяслöн сьöлöмкылöмъясыс небöгын.

Ёртъяс, лыддьöй кывбуръяссö да донялöй! Виччысям тiянöс библиотекаын!