г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 18.00

Суббота, воскресенье - выходной

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
16 октября 2018

Эжва йывса колип

Дона лыддьысьысьяс!

Талун ми вöзъям лыддьöм вылö Тима Веньлысь небöг.

Октябрь 20-öд лунö тырö 128 во чужан лунсянь тöдчана коми поэтлы, драматурглы, проза гижысьлы, коми литературалы подув пуктысьлы – Тима Веньлы (Вениамин Тимофеевич Чисталев, 1890-1939).

Литературнöй творчествоын гижысьлöн медся тöдчанаыс - тайö кывбуръяс да поэмаяс, висьтъяс, гырысь гижöдъяслöн панасъяс, публицистика, очеркъяс да челядьлы гижöдъяс. Аслас гижöдъясöн автор зiлис пуктыны став сямсö да кужöмлунсö, висьтавны сьöлöмысь петан кывъясöн. Поэзияын кужис тöдчытöмсьыс аддзыны да петкöдлыны мыйкö сэтшöмсö, мый вöрзьöдö сьöлöмтö.

«Эжва йывса колип» - татшöм мича ним улын гижысь вöзйö миянлы небöг. Тайö сборниксö артмöдiсны В.Т. Чисталев йылысь нывъясыслöн, Музалöн да Авиалöн, да гижыськöд öти кадö олысь йöзлöн казьтылöмъяс, творчествосö туялысьяслöн пасйöдъяс, сылöн некöн на йöзöдлытöм дневник, письмöяс да кывбуръяс, а сiдзжö цензураöн бöрыньтöм гижöдъяс. Небöгас сiдз жö пырисны пьесаяс: «Ныв сетöм», «Изкар», «Лёк энька» да «Трипан Вась» висьт.

Колö шуны, став творчествоыс Тима Веньлöн эпическöй, нинöм абу сэнi прост сiдз шуöм, абу олöмсö веркöса гöгöрвоöм да петкöдлöм, пöръялана мичлунöн любуйтчöм. Аслас быд гижöд йылысь поэт вермис шуны:

Менам кывъясöй – сiйö вир тусьяс;

Менам гижöдъяс – менам синваяс…

Абу прöста сiдз найöс лöдöма,

Сэтчö пуктöма мый меддонаыс.

(1922)

Чисталев Вениамин Тимофеевич. Эжва йывса колип : бöрйöм гижöдъяс / Тима Вень; лöсьöдiс В. Г. Лодыгин; серпасалiс В. А. Моторин. - Сыктывкар : Коми небöг лэдзанiн, 2000. - 222, [2] л. б.

Инвентарнöй номеръяс: 8111к, 8112к - кр, 182к - а, 8185к - дх, 8186к - дх, 8187к - а, 8824к - а

Ёртъяс, виччысям тiянöс небöгла! Лыддьысьöй окотапырысь!

  • Эрмитаж. Хроника военных лет. 1941-1945
    Эрмитаж. Хроника военных лет. 1941-1945
    Воспоминания
  • Шок новизны
    Шок новизны
    Хьюз Р.
    Научно-популярная литература
  • Клод Моне
    Клод Моне
    Бордман А.
    Научно-популярная литература
  • Движение
    Движение
    Бурбом П.
    Учебное пособие
  • Вызов реальности
    Вызов реальности
    Крилли М.
    Учебное пособие
  • Микеланджело. Жизнь гения
    Микеланджело. Жизнь гения
    Гейфорд М.
    Биография
  • Сокровища музея Андрея Рублева
    Сокровища музея Андрея Рублева
    Абрамов Д. М.
    Научно-популярная литература
  • Неофициальное искусство второй мировой войны
    Неофициальное искусство второй мировой войны
    Альбом
< >
Яндекс.Метрика