17 апреля 2023
«Зумыда восьлалӧ олӧмӧдыс»
| Прокопий Валентинович да гöсьтъяс |
Апрель 13-öд лунö Национальнöй библиотекалöн краеведение юкöнын петкöдчис коми кывйöн гижысь да чужан кыв радейтысь Прокопий Валентинович Габов.
«Зумыда восьлалӧ олӧмӧдыс» – аддзысьлöмлöн татшöм нимыс – индö авторлöн сямлун, этш вылö да öтшöтш восьтö «Коми му» газетлысь мунан туй.
| Прокопий Валентинович Габов |
Пансис сёрни республикаын важся коми кывъя газет йылысь. Вужъяссö «Коми му» босьтic «Зырянская жизнь» петассянь, уна во чöж сэсся нимыс вежласис – «В зырянском краю», «Удж», «Югыд туй», «Вöрлэдзысь», «Гöрд знамя», «Коми колхозник», «Югыд туй».
Прокопий Валентинович юксис аслас гижан нырвизьöн «Коми му» газетын. Сьöлöмсянь висьталiс дасьтöм уджъяс йылысь : кыдзи чужöны темаяс, кутшöм выльторъяс пыртö аслас гижöдъясö да мый ышöдö сiйöс гижны чужан кывйöн. Быд статтялöн, пасйис, аслыспöлöс артмöм. Медшöр темаяс – рöдвуж, ёртъяс, сиктса школаяс, суйöр сайын олысь коми йöз.
Коми журналист Павел Симпелев пасйис, мый корреспондентъяслöн удж вылö донъявсьö. Найö серпасалöны Коми мусö, тöдчöдöны сиктса йöзлысь донсö, кыпöдöны чужан кыв дорö муслун.
Выставка вылын позьö вöлi тöдмасьны Прокопий Габовлöн «Коми му» газетын йöзöдöмъясöн, а сiдзжö гумовтны «Коми му» газетлöн 105 вося историяысь юöр.
Дона лыддьысьысьяс, Прокопий Габовлысь сёрни видзöдам да донъялам!
