г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 18.00

Суббота, воскресенье - выходной

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
07 июня 2022

«Лыддьысям комиöн» / Обзор краеведческих новинок «Читаем на коми языке»

Пыдди пуктана лыддьысьысьяс! «Выльторъяс» лист бок восьтö Алёна Шомысовалысь да Елена Афанасьевалысь олан да гижан туй. Вöзъям лыддьöм вылö коми гижысьяслысь кывбуръяс, мый йöзöдöма «Арт» да «Войвыв кодзув» журналъясын.  

Шомысова, А. Чöрс : кывбур / Алёна Шомысова // Йöлöга. – 2022. – 4 №. – 38-39 л.б. – Пер. загл.: Веретено : стихотворение
Шомысова, А. Чöрс : кывбур / Алёна Шомысова // Йöлöга. – 2022. – 4 №. – 38-39 л.б. – Пер. загл.: Веретено : стихотворение

Алёна Александровна Шомысова – коми гижысь, вуджӧдчысь. Чужӧма 1986-öд вося ӧшым тӧлысь 8-ӧд лунӧ Кулӧмдiн районса Скӧрӧдум грездын.

2009-öд воын помалӧма Сыктывкарса канму университетысь филология факультетса коми юкӧн. Редакторалӧма «Войвыв кодзув» журнал редакцияын. Велӧдӧма Коми республикаса Юралысьбердса Искусствояс гимназияын. Öнi уджалö «Арт» журналын.

Алёна Шомысова гижӧ кывбуръяс да проза. Кывбуръяс босьтчӧма гижны 15 арӧссянь. Йӧзӧдчыны кутӧма студенталігӧн на. Гижан сям сӧвмӧдӧм могысь велӧдчӧма Гожся университетын, пырӧдчис «Арт» журналлӧн литературнӧй кытшӧ, Коми гижысь котырлӧн литературнӧй кытшӧ. Дасьтӧ «Ы» журнал (медводз петӧма «Йӧлӧга» газет, а сэсся «Арт» журнал бердын).

Гижӧдъяссӧ йӧзӧдлӧма коми газет-журналъясын да «Медводдза муслун», «Ме тэнӧ радейта», «Мне рассказали одуванчики», «Няньöн-солӧн» альманахъясын. «Тӧдмав менӧ» медводдза повесьт петавлöма «Войвыв кодзув» журналын.

Алёна Шомысовалöн асшöр небöгъяс: «Дзар» (2011), «Чöв!» (2012), «Юрсигусь бордъяс» (2014), «Кöчильлы козин» (2018). «Юрсигусь бордъяс» öктöдын кывбуръяс коми, роч, эст да англия кывъяс вылын.

Вуджӧдӧ роч классикъясӧс, фин-йӧгра гижысьясӧс да ӧнія кадся роч поэзия да проза. 2016-ӧд восянь пырӧ Рочмуса гижысь котырӧ.

2022-öд вося «Йöлöга» газетлöн 4-öд петас тöдмöдö Алёна Шомысовалöн «Чöрс» кывбурöн.

Коми кывбуралысь пасйö: «…колö пö бöрйыны öти образ и сы вылö подуласьöмöн петкöдлыны гижан туйтö. Ме куни синмöс и аддзи чöрс, код гöгöр тюръясисны шöрт тупыльяс…Чöрс вöтлысис ме бöрся, весиг син водзö уськöдчылic…Регыд мысти и заводитi гижны кывбурсö. Некымын рыт ныри, вывтi нин сьöкыд мöвп сэтчö пуктi да. Пöчöй быттьö печкö и гартö чöрс вылас оз сöмын шöрт, но и ассьыс олöмсö..».

 «Чöрс» кывбур лыддьöм бöрын мöвпъясыд пырöны важся олöмö. Гажтöм сьöлöм вылад лоö, мыйла тайö кадыс бöрö кольöма. Пöль-пöчьясöс казьтылам сöмын бур кывъясöн : син улад усьö пöсь нянь, радейтана кутчысьöмъяс, грездса туй… Став тайö шоныдлуныс тыдовчö Алёна Шомысовалöн поэзияын.

Афанасьева, Е. «А шондi уйö гöсти чими ордö…» : кывбуръяс / Елена Афанасьева // Арт. – 2022. – 1 №. – 4-11 л.б. – Пер. загл.: «А солнце плывёт в гости к рыбе-сёмге…» : стихотворения
Афанасьева, Е. «А шондi уйö гöсти чими ордö…» : кывбуръяс / Елена Афанасьева // Арт. – 2022. – 1 №. – 4-11 л.б. – Пер. загл.: «А солнце плывёт в гости к рыбе-сёмге…» : стихотворения

Коми гижысь Елена Евгеньевна Афанасьева чужöма 1967-öд вося вӧльгым тӧлысь 14-ӧд лунӧ Удорса районса Важгорт сиктын. Важгортса шӧр школа эштöдöм бöрын велöдчöма Сыктывкарса канму университетлӧн филология факультетса коми юкӧнын.

Уджалöма велöдысьöн Интаса шӧр школаын, научнöй сотрудникöн Коми Республикаса велӧдысьяслӧн институтын Велӧдан да методика дасьтан шӧринын, редакторалöма «Арт» журналын. Öнi уджалӧ литконсультантӧн Коми Республикаса гижысь котырын. 2010 восянь пырӧ Россияса гижысь котырӧ.

Елена Афанасьева заводитöма гижны роч кыв вылын. Сылысь медводдза уджъяс йöзöдöма «Искра» газетын. А медводдза коми кывъя кывбуръяс пыртöма  1994-öд вося «Йöлöга» газетö.

Гижöдъяс позьö лыддьыны «Арт», «Би кинь», «Войвыв кодзув», «Чужан кыв», «Наш современник», «Дон», «Юность» журналъясысь, «Белый бор» альманахысь, «Удора, Удора кык мича ю дорын», «Сьöлöмшöрöй менам, Удора» да «Пöлöзнича пöвстын» нима сборникъясысь.

Коми гижысьлöн асшöр небöгъяс : «Лэбачöс ки помысь вердi» (2001), «Мöвпалан визьяс» (2002), «Енкöлаö ыбöс» (2008), «Каленик-лэбач» (2010), «Эжöр-вежöр» (2011), «Ву» (2014), «Дуда Платтьöа» (2016), «Дуда кимöститчö» (2017), «Дуда чуксалö» (2021).

Елена Афанасьевалысь кывбуръяссӧ роч кыв вылӧ вуджӧдлісны Екатерина Соколова, Евгений Козлов. «Дуда Платтьӧа» небӧгсӧ шуӧма Коми Республикаын 2016-ӧд воын челядьлы медбур небӧгӧн.

2022-öд вося «Арт» журналлöн медводдза номер воссьö Елена Афанасьевалöн «А шондi уйö гöсти чими ордö…» кывбура циклöн.

«Менам сьöлöмöй…», «Öтчыд шуин..» кывбуръясын гижысь пыдiсянь петкöдлöма ассьыс сьöлöмкылöмъяссö радейтана морт дорö.

«Кытшовтiсны юсьяс вöр дi весьтöд…», «Арся пелысь тусьыс – менам синва…» кывбуръясын мортлöн сьöлöмкылöмъяс йитчöмаöсь вöр-валöн вынъяскöд.

Чужан му дорö муслун тыдовтчö «Гуся ордын», «Пыжöн кывтiгöн зарни кöкинькöд сёрни» кывбуръясын.

Радейтана мортöс пыдди пуктöм, айму вöсна тöжд, олöмын шогсьöм да радлöм, вöр-ваöн мортлы сетöм шуд – ставыс тайö петкöдлöма Елена Афанасьевалöн поэзияын.

Дона ёртъяс, лыддьысьöй коми кыв вылын! Кывбуръяс, висьтъяс, повесьтъяс велöдöны радейтны да пыдди пуктыны чужан му да чужан кыв, тöдны пöль-пöчьяслысь оласног, чужан сиктлысь кольöм кад, сэнi олысь нималана да талун нимöдысь войтырöс.

    • От А до Я: азбука Усть-Цилемского района
      От А до Я: азбука Усть-Цилемского района
      Научно-популярная литература
    • Как я нашёл шпиона Рейли
      Как я нашёл шпиона Рейли
      Полещиков В. М.
      Повесть
    • Память о прошлом и настоящем. Для будущего
      Память о прошлом и настоящем. Для будущего
      Павлюшин С. Е.
      Научно-популярная литература
    • Планида Сергея Капустина
      Планида Сергея Капустина
      Рейзер Л. Ю.
      Публицистическая проза
    • Кипиево - село припечорское
      Кипиево - село припечорское
      Канев А. В.
      Научно-популярная литература
    • Память или Повесть о Руси Великой - веками Судьбою неизбалованной, в лице своих властелинов
      Память или Повесть о Руси Великой - веками Судьбою неизбалованной, в лице своих властелинов
      Исаков В. И.
      Повесть
    • Николай Дьяконов. Жизнь, драматургия, театр
      Николай Дьяконов. Жизнь, драматургия, театр
      Сборник статей
    • Азбука от А до Я
      Азбука от А до Я
      Герасименко А. В.
      Научно-популярная литература
    < >
    Яндекс.Метрика