г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 20.00

Суббота - выходной

Воскресенье с 10.00 до 17.00

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
07 апреля 2022

Владимир Тиминлöн петіс куим небöгö öтувтöм гижöд чукöр

Апрель 5-öд лунö Сыктывкарса коми культура шöрин котыртліс Владимир Тиминлысь куим небöгö öтувтöм гижöд чукöр нимöдан рыт.

1/3

Коми Республикаса Национальнöй библиотека дасьтіс тайö гаж кежлас «Олöмöй – эзысь ар» небöга выставка да тöдмöдіс гöсьтъясöс «Коми этикет» нима выль ворсöмöн. Дасьтöма сідз шусяна бродилка Владимир Тиминлöн «Эжва перымса зонка» повесьт серти. Владимир Васильевичлöн гöтырыс Тамара Григорьевна рыт заводитчытöдз видлаліс-лыддис ворсан став карточкасö да ошкис татшöм ногöн том йöзöс гижöдöн тöдмöдöмысь.

Заводитчис рытыс Коми Республикаса нимӧдана уджалысь Михаил Оверинлöн сьылöмсянь. Сы бöрын чöв здукöн казьтывлім Владимир Тиминöс да Елена Козловаöс (небöг редактор). 

Коми гижысь котырöн веськöдлысь Андрей Гельевич Попов уджалігас кык во чöж воча пукавлöма Владимир Васильевичкöд. Казьтывлö сылысь шаньлунсö да лышкыдлунсö. Коркö пö öти нывбабалы Ярославскöй вокзалын сетöма туй вылас сьöм. А мöдыс абу и пöръялöма морттö, деньга коригас юалöма адрессö Владимир Васильевичлысь да сэсся пошта пыр недыр мысти бöр ыстöма удждывлöм сьöмсö.

«Коми муса» журналист Павел Симпелев дасысь унджык во уджавлöма Владимир Тиминкöд гожся университетын. Владимир Васильевичöс сійö лыддьö аслас велöдысьöн. Сы вылö видзöдöмöн пö велöдчи уджавны, сёрнитны челядькöд, том гижысьяскöд.

Татьяна Кузнецова да Анастасия Малева – Коми наука шöринса туялысьяс – гижöмаöсь куим тома гижöд чукöрö водзкывсö. Аслас сёрниын Татьяна Леонидовна донъяліс Владимир Тиминлысь гижöдъяссö.

Поэзияын батьöн нимтö Владимир Тиминöс Анжелика Елфимова. Сійö пö велöдіс менö аддзыны ывлаті восьлалігöн унатор, мый водзын эг казявлы, индіс, кыдзи колö лыддьыны кывбуръяс. А нöшта буретш Владимир Васильевичсянь Анжелика Геннадьевна тöдмалöма, кыдзи тэчсьö-лöсьöдсьö кывбур чукöр. Пырöма коркö Владимир Тимин ордö, а сійö вöлöм пидзöсчанясьöмöн ветлö джодж кузяыс да корсьысьö джодж пасьталаыс разадöм кыксё бердö кывбура лист пöвстысь колана кывбур – арталö, мый бöрся мый йöзöдны.

Куратов нима литература музейын зільысь Диана Григорьевна Холоповаöс Владимир Тимин шулöма чойöн. «Тэöн ола» кывбур чукöр, юксис Диана Григорьевна, пыр пö мекöд - крöватьдорса джаджйын сулалö, а Тиминлöн творчествоын медшöр нырвизьыс, сыöн олöмсö гöгöрвоöмыс пасйöма шойнавывса паметник вылын.

Небöг йöзöдысьясöс да рыт нуöдысьясöс аттьöаліс Владимир Васильевичлöн гöтырыс. Тамара Григорьевна пасйис, мый верöсыслöн вель уна дневник на кольöма йöзöдтöмöн, и тайö уджас тшöтш эськö кодлыкö колö босьтчыны. Презентация вылö волісны и гозъялöн куимнан нылыс. Ставныс мам-бать кодьныс жö мичаöсь да шаньöсь.

Владимир Тиминöс коми литератураын мамонтъяс лыдö пырысьöн («один из последних мамонтов коми литературы») шуис Александр Суворов. Сійö рочöдлöма поэтлысь вель уна кывбур. Öтиöс на пиысь лыддис сцена вывсянь.

Надежда Мирошниченколы Владимир Тимин висьтавлöма: «Надя, Коран-то я прочитал». Надежда Александровна бур кывъясöн казьтывліс Владимир Васильевичöс да ошкис сылысь гöтырсö. Пасйис, мый Тимин радейтіс аньясöс кывбуръяс ради, а медвылö пыр пуктіс ассьыс пöвсö. Помаліс ассьыс сёрнисö Надежда Мирошниченко зэв аслыспöлöса: «Он ушёл рано. Зря он это сделал. Надо было ещё пожить».

Нина Александровна Обрезкова пасйис, мый Владимир Тимин некор некодöс эз увтырт, быд гижысьöс (том кöть пöрысь, нималана кöть сöмын на гижны заводитысь) ышöдіс водзö гижны, кöть, дерт, гöгöрвоис, мый ставныс на пиысь гижысь котырö, дерт, оз пырны. Тöдіс, мый кывбуралöмыс уна буртор сетö аслыс гижысьыслы и сылöн матыссалы, кокньöдö налысь лов. Да и коми кывйыс паськыдджыка юргö, кор сыöн вöдитчö унджык морт.

Михаил Оверинлöн сьылöмöн небöг нимöдан рыт помасис. Неыджыд юкöн вöзъям кывзыны и тіянлы, дона лыддьысьысьяс.

    • Коактивный коучинг
      Коактивный коучинг
      Практическое пособие
    • Криптвоюматика 2.0
      Криптвоюматика 2.0
      Марков А.
      Научно-популярная литература
    • Жлобология 1.7: откуда берутся деньги и почему не у меня
      Жлобология 1.7: откуда берутся деньги и почему не у меня
      Марков А. В.
      Научно-популярная литература
    • Радикальная прямота
      Радикальная прямота
      Скотт К.
      Научно-популярная литература
    • Думай в других форматах
      Думай в других форматах
      Брабандер Л. де
      Научно-популярная литература
    • Офигенно!
      Офигенно!
      Коробкина А.
      Научно-популярная литература
    • Психология инвестирования
      Психология инвестирования
      Ричардс К.
      Научно-популярная литература
    • Ты стоишь больше
      Ты стоишь больше
      Тамазова Е. Г.
      Научно-популярная литература
    < >
    Яндекс.Метрика