14 апреля 2022
«Лыддьысям комиöн» / Обзор краеведческих новинок «Читаем на коми языке»
Пыдди пуктана лыддьысьысьяс! 58-öд петас тöдмöдö Иван Ногиевлöн «Веськавлас жö татшöмыд» выль висьтöн, кодöс йöзöдic 2021-öд вося «Войвыв кодзув» журнал 9-öд да 10-öд №№.
| Ногиев И. И. Веськавлас жö татшöмыд : висьт / Иван Ногиев // Войвыв кодзув. – 2021. – 9 №. – 9-[36] лист бокъяс : серпас. – Пер. загл.: Бывает же такое : рассказ. – Начало. – На коми яз. |
| Ногиев И. И. Веськавлас жö татшöмыд : висьт / Иван Ногиев // Войвыв кодзув. – 2021. – 10 №. – 32-[46] л. б. : серпас. – Пер. загл.: Бывает же такое : рассказ. – Продолж. Начало в № 9. – На коми яз. |
Комиöн лыддьысьны радейтысьяслы бура тöдса Иван Ногиевлöн нимыс (сайнимыс сылöн – Парма Вань). Иван Иванович чужис Парма грездын, Кулöмдiнса шöр школа бöрын помалiс Егорьевскöй авиационнöй училище, босьтiс авиационнöй техниклысь специальность. Куим во уджалiс Печораса аэропортын. Сыктывкарса каналан университет помалöм бöрын кутшöмкö кад уджалiс Кулöмдiнса шöр школаын, а сэсся вуджис райцентрса милицияö. Иван Ивановичлысь бур уджсö донъялöма «За отличную службу в МВД» знакöн да уна почёт грамотаöн.
Иван Ногиев тшöкыда йöзöдчö «Парма гор» газетын, «Войвыв кодзув», «Чушканзi» да «Би кинь» журналъясын, а сiдзжö öтувъя небöгъясын. Сылöн висьтъясыс зэв серамбанаöсь, кокниа лыддьыссьöны, журнал-газет лист бокъяс вылын петавлiсны нин: «Сконйыштчис», «Кодлы ме öнi кола», «Сауна», «Ая-пиа», «Ас морт вöлöма», «Со и пöкмелитчис!» да мукöд. Эмöсь нöшта повесьтъяс: «Ёма», «Век он дзебсясь», «Бергöдтöм томдыр», «Генерал гöтыр», «Кирö Васьлöн фото», «Букыш гожöм» да сiдз водзö.
Иван Ногиевлöн петавлiсны торъя небöгъяс: «Винегрет», «Евлог да сылöн ёртъяс».
«Войвыв кодзув» журналын Парма Вань йöзöдчö 25 воысь нин унджык. Талун корам тöдмасьны Иван Ногиевлöн выль висьтöн, нимыс – «Веськавлас жö татшöмыд». Йöзöдiс «Войвыв кодзув» журнал 2021-öд воын 9-öд да 10-öд петасъясын.
Висьтса шöр геройяс Коля Кирьянов да Виктор Прошкин чужисны, позьö шуны, öтшöтш, быдмисны орччöн, ёртасисины. Водзö висьтавсьö ёртъяслöн верстяммöм йылысь, со найö служитiсны нин Армияын, тшöтш мунiсны уджавны милицияö. Николай вöлi ёна збой Викторысь, сы дорын сiдзи и бергалiсны нывъясыд, сöмын бöрйы. Коля Кирьяновлы гöтырыд öдйö и сюри, Полина нима, но том гозъя тшöкыда пинясисны, кöть и пи нин налöн быдмис.
А Виктор Прошкинлы тырис нин 25 арöс, а сьöлöм косьтысьыс эз на сюр. Дыр мысти аддзис жö шудсö, Лиза нима ныв лои Викторлы бур да шань гöтырöн. Сiйö радейтiс верöссö, тöждысис сы вöсна, чöскыда пусис. Гозъялöн быдмисны кык ныв.
А кыдзи водзö артмас шöр геройяслöн олан туйныс, тöдмаланныд Иван Ногиевлöн висьтысь «Веськавлас жö татшöмыд», йöзöдöма 2021-öд вося 9-öд да 10-öд петасъясын «Войвыв кодзув» журналын.
![Ногиев И. И. Веськавлас жö татшöмыд : висьт / Иван Ногиев // Войвыв кодзув. – 2021. – 9 №. – 9-[36] лист бокъяс : серпас. – Пер. загл.: Бывает же такое : рассказ. – Начало. – На коми яз.](/images/4903/stat/Nogiev_I_I_Veskavlas_jö_tatshömyid__vist__Ivan_Nogiev__Voyvyiv_kodzuv_–_2021_–_9_№_–_9_36_list_bokyyas__serpas_–_Per_zagl_Byivaet_je_takoe__rasskaz_–_Nachalo_–_Na_komi_yaz__.jpg "Ногиев И. И. Веськавлас жö татшöмыд : висьт / Иван Ногиев // Войвыв кодзув. – 2021. – 9 №. – 9-[36] лист бокъяс : серпас. – Пер. загл.: Бывает же такое : рассказ. – Начало. – На коми яз.")
![Ногиев И. И. Веськавлас жö татшöмыд : висьт / Иван Ногиев // Войвыв кодзув. – 2021. – 10 №. – 32-[46] л. б. : серпас. – Пер. загл.: Бывает же такое : рассказ. – Продолж. Начало в № 9. – На коми яз.](/images/4903/stat/19711.jpg "Ногиев И. И. Веськавлас жö татшöмыд : висьт / Иван Ногиев // Войвыв кодзув. – 2021. – 10 №. – 32-[46] л. б. : серпас. – Пер. загл.: Бывает же такое : рассказ. – Продолж. Начало в № 9. – На коми яз.")
