18 февраля 2022
Корам гижны коми диктант
Урасьӧм тӧлысь 21 лунӧ став мир пасьта пасйӧны Чужан кыв лун. И быд во тайӧ лунӧ ми гижам Ӧтувъя коми диктант.
Таво коми диктантсӧ нуöдам кӧкъямысӧдысь нин. Текст авторыс - Тимин Владимир Васильевич (комиӧн – Игӧ Вась Володь), Коми Республикаса нимйӧза гижысь. Таво эськӧ сылы тырис 85 арӧс. Буретш Владимир Тимин вӧлі медводдза коми диктант текст лӧсьӧдысьӧн.
Пасъям, мый коронавирус паськалӧм вӧсна диктантсӧ таво гижам асшӧра онлайнын. Видеодиктантыс лоас йӧзӧдӧма урасьӧм тӧлысь 21 лунӧ 12 часын «Коми войтыр» (https://komivoityr.ru/), Коми Республикаса Национальнӧй библиотека (http://www.nbrkomi.ru/), Коми Республикаса канму службаӧ да веськӧдлыны велӧдан академия (https://www.krags.ru/), Россия Федерацияса фин-йӧгра культура шӧрин (http://www.finnougoria.ru/), Коми Республикаса войтырлӧн ёртасян керка (http://ddnrk.rkomi.ru/) сайтъясын. Видео кындзи лоас йöзöдöма аудио, В.Тимин йылысь презентация, диктант гижöм вылö бланк да инструкция.
Коми диктантсӧ асшӧра гижысьяслы колӧ сканируйтны либӧ фотографируйтны гижӧм текстсӧ да ыстыны Оргкомитетӧ прӧверитӧм вылӧ март 1 лунӧдз komi.diktant@mail.ru инпас серти.
Коми диктант быд гижысьлы лоӧ ыстӧма электроннӧй сертификат. А медбура гижысьяслы вичмасны козинъяс.
Акция котыртысьяс - «Коми войтыр» ӧтмунӧм, «МИ» коми том йӧзлӧн ӧтув, Коми Республикаса национальнӧй библиотека, Коми Республикаса канму службаӧ да веськӧдлыны велӧдан академия, Россия Федерацияса фин-йӧгра культура шӧрин, Коми Республикаса войтырлӧн ёртасян керка.
Став гöгöрвотӧмторсӧ позьӧ стӧчмӧдны индӧм телепонъяс да пошта пыр: +79505671528, уджвывса тел. 8(8212) 302-780 (содт. 107); syktyvkar.kv@mail.ru (письмö гижигӧн пасйӧй, мый гижанныд «Коми диктант» серти). Став юалöм вылӧ вочавидзас Коми Республикаса канму службаӧ да веськӧдлыны велӧдан академияса ректорлӧн отсасьысь Марина Серафимовна Федина.
