г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 20.00

Суббота - выходной

Воскресенье с 10.00 до 17.00

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
06 января 2022

«Сьылӧ морт, мый шонтӧ сылысь лов...» (Человек поёт о том, что греет его душу)

Январ 6-öд лунö 75 арöс тыртö коми гижысь, Коми Республикаса нимйӧза поэт, журналист Василий Григорьевич Лодыгин.

Чужлöма сiйö Кулӧмдiн районса Габов грездын. 1966 воын помалӧма Керчомъяса шöр школа.

Велöдчывлöма Василий Григорьевич школаас бура. Гежöда куимтö пуктывлöмаöсь жö, но сöмын сы вöсна, мый коркö вунлöма гортса уджыс либö кадыс абу тырмöма вöчныс сiйöс. А öнöдз казьтывлö немеч кыв велöдöм.

Двойка по немецкому

1966–1970 воясӧ водзö велӧдчӧма Коми канмуса педагогика институтын филология факультетын. 1970 восянь уджалӧма роч кыв да литература велӧдысьӧн Улыс Вочса шӧр школаын. 1971–1972 воясӧ служитӧма армияын. Сы бöрын уджавлöма радиовещаниеын, медшöр редакторӧн да сiйöс вежысьöн, кывкутысь секретарӧн Кулӧмдiн районса «Парма гор» газетын.

В. Г. Лодыгин — Россияса журналист котырö пырысь (1981), СССР-са гижысь котырӧ пырысь (1982). Йöзöдсьö 1968 восянь.

Ассьыс медводдза кывбуръяссö Василий Лодыгин йöзöдлöма Василий Воробьёв ним улын.

«…гижны чуйдысьöн лоис Улыс Вочса школаын кыв да литература велöдысь Дмитрий Иванович Гичев (…) Аддзис, мый сочинениеястö да, мый да мукöд серти бурджыка гижа, аслысногаджык мöвпала, да творчество вылас веськöдiс. Квайтöд классын, буракö, ми сыкöд медводдза кывбуръясöс районса газетö мöдöдiм», - казьтывлö гижысь.

О первой книге, первых стихах

Кывбуръяс гижны велöдлöма и Эдуард Тимушев поэтлöн батьыс. Алексей Степанович Тимушев нуöдлöма Керчомъяын литературнöй кружок.

А кывбуръястö Василий Лодыгин ичöтсяньыс радейтлöма. Вель ыджыдъясöс висьтавлöма наизусть, кор ачыс вöлöма зэв на ичöтöн.

Любовь к стихотворениям с детства

«Неджöг» небöгысь лыддям: «Сёрнитны кö гижны босьтчöм йылысь, то, видзöдöм серти, ставыс заводитчис ёна лыддьысьöмсянь. Ог нин шу школаын велöдчöм йылысь, районын петысь «Вöр фронт» газеттö (бöрынджык лоис «Ленин туйöд», а сэсся «Парма гор» кушöдз вöлi лыддя. Верстьöяс кывзöны. Сикт пасьталаысь локтасны да керкаö оз тöрны».

Чтение газет односельчанам

Кывбуръяс кындзи Василий Лодыгин лэдзлiс висьтъяса «Гыбад», челядьлы гижöдъяса «Паса шор», вöр-ва йылысь пасйöдъяса «Чибльöг», ас грездлы сиöм «Габовсаяс» книгаяс.

Василий Лодыгинлöн уна кывбур лои сьыланкывйöн. Гудöкасьныд кужö и ачыс. Медводдза гудöксö ичöт Васьöлы козьнавлöма мамыс.

«Аддзис мам, мый зэв окотита гудöкöн ворсны, да мöдöд ли коймöд классын на велöдчигöн и ньöбис меным гудöктö кер лэдзöм помысь нажöвитöм сьöм вылас… Йöзöс шензьöдмöн сяркöдны эг велавлы, но сьывны да йöктыны окотитысьястö бордйöдны верма».

Первая гармошка

Зiльны-уджавны писö мамыс жö велöдлöма. Пыр кесйöдлöма: «Васьö, тэ эн вай весьшöрö пукав!». Аслыс быд уджыс жö сюрлöма, весиг керка лэптывлöма.

«Дзолядырйиыд мамыд и пример. Мам кындзи, меö ыджыда сьöлöм пуктысьöн вöлi ыджыд мам – Парасковья Иосифовна Лодыгина. Сиктсаяс ногöн кö, Öсип Парась либö Павел гöтыр. Сыысь шаньджык мортсö ме сэсся вöльнöй светсьыс эг аддзыв (…) Сылы да мамлы ме и быдмöм бöрын Васильöн вöлi».

Бабушка и мама
Евдокия Виссарионовна Лодыгина
Евдокия Виссарионовна Лодыгина

Бур кывъясöн Василий Григорьевич сёрнитö и Августа ичинь йывсьыс.

Сiйö туйдöма том мортöс велöдчыны водзö школа помалöм бöрын институтын, отсалöма Василийлы студенталiгас на пырны уджавны стöрöжöн, корсьöма сэк и олöма нин шань нывбаба дорысь юр сюянiн да ар öкмыса на зонкаöс велöдöма, «кыдзи колö овны айловлы».

А «…медся бур ёртöн да зумыд кутöдöн, кыв шутöг, лоö медся дона да муса мортöй – Лидия Александровнаöй, кодкöд лэдзим олöмö кык пиöс…».

Ачыс Василий шань пиöн быдмöма да мамыслы ыджыд отсасьысьöн. Но вильшасьныд, дерт, вильшасьлöма жö.

Детские шалости

Школа помалöм бöрас Василий Григорьевич кöсйöма лоны киномеханикöн. Но ставыс нин сiдз артмöма, мый велöдчис сiйö филологö, лоис журналистöн да гижысьöн.

 

Мечты о профессии

Василий Лодыгин - Коми Республикаысь культураса заслуженнöй уджалысь да Россия Федерацияысь культураса заслуженнöй уджалысь, Коми Республикалöн Государственнöй премияа да Коми комсомоллöн премияа лауреат.

Василий Григорьевичлысь вужъяссö туялö-корсьысьö краевед Мария Алексеевна Плоскова. Лöсьöдöм ордпувужнас юксис и миян библиотекакöд. Аттьö, Мария Алексеевна! 

    • Коактивный коучинг
      Коактивный коучинг
      Практическое пособие
    • Криптвоюматика 2.0
      Криптвоюматика 2.0
      Марков А.
      Научно-популярная литература
    • Жлобология 1.7: откуда берутся деньги и почему не у меня
      Жлобология 1.7: откуда берутся деньги и почему не у меня
      Марков А. В.
      Научно-популярная литература
    • Радикальная прямота
      Радикальная прямота
      Скотт К.
      Научно-популярная литература
    • Думай в других форматах
      Думай в других форматах
      Брабандер Л. де
      Научно-популярная литература
    • Офигенно!
      Офигенно!
      Коробкина А.
      Научно-популярная литература
    • Психология инвестирования
      Психология инвестирования
      Ричардс К.
      Научно-популярная литература
    • Ты стоишь больше
      Ты стоишь больше
      Тамазова Е. Г.
      Научно-популярная литература
    < >
    Яндекс.Метрика