«Ас муысь, ас грездысь он ум...»

Сентябр 23 лунӧ Иван Ильич Белыхлы, «Паль мулӧн авъя пилы», тыри эськӧ 75 арӧс. Ми тӧдам, мый велӧдчылiс сiйӧ пединститутын, нэм чӧжыс гижис висьтъяс, журналисталiс. Ставӧн пасйӧны, мый Иван Ильич вӧлi зэв шань, вежавидзысь мортӧн.

Но таысь кындзи ми, лыддьысьысьяс, буракӧ, сэсся нинӧм ог и тӧдӧй. Статьяясын пырджык сӧмын тайӧ юӧрсӧ и пасйӧма. Гашкӧ, ачыс ловъядырйиыс Иван Ильич эз ёна сёрнитлы ас олӧм йывсьыс… Висьтъясыс тай, со, ёнджык челядьдыр йывсьыс жӧ. Да и кысь стӧча тӧдан, мый сэн ас олӧмысьыс гижысь казьтывлӧ, а мый думыштӧмтор?..

Дерт, рӧдвуж, уджъёртъясыс ми дорысь, Иван Белыхлысь гижӧдъяссӧ лыддьыны радейтысьяс дорысь, унджыктор тӧдӧны и вермасны юксьыны интереснӧй юӧрӧн. Унаӧн кӧсйысисны нин сёрнитны.

Корам ставнытӧ, код тӧдлiс Иван Ильичӧс, казьтыштны сiйӧс, висьтыштны сылӧн олӧм да гижӧдъяс йылысь.

Аддзысям Коми Республикаса ёртасян керкаын 23 лунӧ 15 часын.