г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний

Меню
30 июля 2021

Коми археологиялӧн мам

Коми Республикаса Национальнöй библиотека водзö нуöдö Комиысь роч наукаö тöдчана пай пуктысь нывбаба-туялысьяс йылысь уджтас. И талун ми тöдмöдам тiянöс Элеонора Савельева археологкӧд. Став мирыслы сiйӧ уна гусятор восьтiс Коми мулӧн важ олӧмысь.

Элеонора Анатольевна помавлӧма Свердловск карын Горький нима Уралса канму университет. Археология дiнӧ муслуныс чужӧма медводдза практика бӧрын. Медводдза бипур, романтика, ас вынӧн зыр-тэльӧбӧн медводдза аддзӧм-восьтӧмторъяс. Университет помалӧм бӧрын вӧзйӧмаӧсь сылы водзӧ велӧдчыны аспирантураын, но Элеонора Савельева окотитӧма бӧр локны Коми муӧ. 1959 воын гӧн вольпася да юрлӧса ыджыд сундукнас чеччӧма Сыктывкарса ӧзынӧ. Коми наука шӧринын сiйӧ лоӧма коймӧд профессиональнӧй археологӧн.

1969 воын Э.Савельева дорйис кандидатскӧй диссертация, а кык во мысти йӧзӧдiс нин ассьыс «Пермь Вычегодская» медводдза монографиясӧ.

1972 восянь Элеонора Анатольевна велӧдӧма Сыктывкарса канму университетын. Студентъяс пӧ пыр сувтлӧмаӧсь ӧчередӧ, мед веськавны сыӧн нуӧдан археологическӧй кружокӧ.

1985 воын Э.А.Савельеваӧс бӧрйӧмаӧсь Коми наука шӧринса кыв, литература да история институтын археология юкӧнӧн веськӧдлысьӧн. А 1991 воын Элеонора Анатольевна лоӧма наука удж серти институтын веськӧдлысьӧс вежысьӧн.

«Европейский Северо-восток в эпоху средневековья» докторскӧй диссертациясӧ дорйӧма 1995 воын.

Уна вын туялысь пуктiс «Археология Республики Коми» ӧтувъя монография дасьтӧмӧ. Тайӧ подула уджсӧ ышӧдiс гижны буретш Э.Савельева. И тайӧ жӧ каднас сiйӧ вӧлi «Историко-культурный атлас Республики Коми» да «Атлас Республики Коми» проектъясӧн научнӧй веськӧдлысьӧн.

Э.Савельеваӧн гижӧм небӧгъясысь артмас дзонь библиотека. Сiйӧ гижис 250 сайӧ наука удж. На лыдын 16 монография да научно-популярнӧй петас.

Элеонора Анатольевналӧн зiльӧм отсӧгӧн воссис Питирим Сорокин нима «Наследие» шӧрин. Сэнi сiйӧ ачыс и вӧлi медводдза веськӧдлысьнас.

Ӧнi туялысь пыр на уджалӧ. Коми наука шӧринын гижӧ асшӧр уджъяс да пырӧдчӧ «Археология Волго-Уралья» Татарскӧй наукаяс академияӧн дасьтан ыджыд уджӧ.

Пасъям, мый туялысьлы мойвиӧма аддзывны археологъяслысь Египетын да Грецияын кодйысян удж. А аслыс Элеонора Савельевалы уджъёртъясыс сетӧмаӧсь «коми археологиялӧн мам» ним.

    • Дети войны Койгородского района. Детство, опаленное войной
      Дети войны Койгородского района. Детство, опаленное войной
      Сборник
    • Воркутинцы - участники Первой мировой войны 1914-1918 гг
      Воркутинцы - участники Первой мировой войны 1914-1918 гг
      Сборник статей
    • Память народа : книга памяти с. Пажга
      Память народа : книга памяти с. Пажга
      Сборник
    • Фронтовая слава Воркуты. 1941-1945
      Фронтовая слава Воркуты. 1941-1945
      Сборник
    •  Так ли?
      Так ли?
      Спичак Григорий Иванович
      Очерки
    • Усть-Цилемский культурный центр: взгляд сквозь столетие
      Усть-Цилемский культурный центр: взгляд сквозь столетие
      Сборник
    • На защите Отечества : органы государственной безопасности Республики Коми в годы Великой Отечественной войны
      На защите Отечества : органы государственной безопасности Республики Коми в годы Великой Отечественной войны
      Сборник
    • Воркута в годы Великой Отечественной войны 1941–1945
      Воркута в годы Великой Отечественной войны 1941–1945
      Сборник
    < >
    Яндекс.Метрика