г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 20.00

Суббота - выходной

Воскресенье с 10.00 до 17.00

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
04 апреля 2021

«Коми аньяс Россияса наукаын» проект - академик Вера Чижова

Наука да технологияяс воö Коми Республикаса национальнöй библиотека заводитö йöзöдны «Коми аньяс Россияса наукаын» проект: Коми муын чужлöм нывбаба-туялысьяс йылысь, кодъяс путiсны ыджыд пай наука сöвмöдöмö.

Быд тöлысь Национальнöй библиотека сайтын кутас петны геология, педагогика, биология, филология, литература, история, экономика да мукӧд наука юкӧнын доктор нима нывбаба-туялысьлöн олöм да наукаын удж йылысь юöр, мый лоö ӧтувтӧма йӧзӧдӧмъяслӧн ӧтчукӧрӧ.

Сайтысь йӧзӧдӧмъяс позяс аддзыны #женщиныкомивроссийскойнауке хештег отсӧгӧн.

Косму тӧлысь 4-ӧд лунӧ геолог лун. Талун ми тӧдмӧдам тіянӧс академик Вера Чижовакӧд (чужлiс 1925 вося тӧвшӧр тӧлысь 17 лунӧ).

Вера Алексеевна – геолого-минерологическӧй наукаса доктор, вӧр-ва да котыр йылысь Войтыркостса Академияӧ тырвыйӧ пырысь, микропалеонтология туялысь, палеозой стратиграфия серти мир пасьта тӧдчанлуна уджъяс дасьтысь.

Вера Алексеевна Чижова йылысь чуймӧдана юӧръяс:

- Велӧдысьӧн тӧдлытӧг 5 арӧса нывкаӧн пуксьӧ парта сайӧ да заводитӧ велӧдчыны сыысь ыджыджык челядькӧд.

- Ыджыд мамыслӧн батьыс – Филипп Попов – «Роч-зыряна кывкуд» (1831) лӧсьӧдысь, П. Крузенштерн да А. Кайзерлинг наука экспедиция нуӧдысь да вуджӧдчысь;

- Вера Чижовалӧн вежаньыс геолог Вера Варсанофьева.

- Война заводитчӧмсянь том Вера унаысь шыӧдчыліс военкоматӧ корӧмӧн ыстыны сійӧс фронт вылӧ ӧттшӧтш классьыс зонъясыскӧд да ыджыджык вокъясыскӧд, но том нылӧс бӧр бергӧдлісны школаӧ.1941 восянь уджаліс Трёхозерка да Максаковка запань сплав вылын, таысь сылы сетлісны «За доблестный труд в Великой Отечественной войне» медаль.

- Ломоносов нима МГУ-ын студенталигӧн босьтліс Карпинский геолог нима торъя стипендия.

- 1964 воын том, степеньтӧм на туялысьӧс ыстісны Парижӧ Став мирса стратиграфическӧй конгресс вылӧ, тані Вера медводдзаысь сернитіс докладӧн англия кыв вылын, мыйысь сылы сетісны Дагмарова Раузер-Черноусовалысь Ленин премия лауреат ним. Водзынджык Дагмарова Раузер-Черноусова воліс Мылдінӧ Назаровъяс ордӧ. Конгрессӧ пырӧдчысьяс вылӧ донъялісны сӧвет кадся биостратиграфъяслысь докладъяссӧ.

- 1997 воӧ наука командировка дырйи Англияын Вера ветліс видзӧдлыны важ верфь. Сэні судовӧй важся журналысь сійӧ аддзис «Зырянаяслӧн му» пасйӧд. Вӧлӧма кӧ караб стрӧитӧм вылӧ вӧрсӧ вайлӧмаӧсь тшӧтш и Коми муысь. Вера Алексеевна тшапа шуис, мый сійӧ чужліс тайӧ му вылас.

- Тшӧкыда Вера Чижова волывліс гӧститны нимала геолог Андрей Кремс ордӧ Ухтаӧ.

- Уна во чӧж Вера Алексеевна ысталӧ материал Мылдін районса ас му туялан музейӧ.

- 50-ысь унджык во уджаліс Всесоюзнӧй мусир-биару наука-туялан институтын.

- Академик Чижовалӧн унджык бӧръя йӧзӧдӧмыс сиӧма Тимано-Печорскӧй мусир-биару тыра ылі дормулы.

- Öнӧдз гижасьӧ уджъёртъясыскӧд да гортладорсаясыскӧд, сылы тшӧкыда зӧнитӧны да гижӧны наука мытшӧдъяс видлалӧм могысь.

- Вера Чижовалӧн казьтылӧмъясысь: «Менам ӧнӧдз син водзын Печора ю пӧлӧнса мичлуныс, Мылдін гӧгӧрса вылын юра сус пуяс, ньыв пуяс, ниа пуяс. Тані олісны да уджалісны пыдди пуктана да велӧдчӧм йӧз».

  • Вахты Памяти университетского поискового отряда
    Вахты Памяти университетского поискового отряда
    Бубличенко В. Н.
    Научно-популярная литература
  • Нравственность. Интеллект. Красота
    Нравственность. Интеллект. Красота
    Научно-популярная литература
  • Öлек
    Öлек
    Морозов П. Д.
    Научно-популярная литература
  • Численность и воспроизводство населения Республики Коми во второй половине XIX -XX в.: историко-демографические и историко-географические исследования Российского Севера
    Численность и воспроизводство населения Республики Коми во второй половине XIX -XX в.: историко-демографические и историко-географические исследования Российского Севера
    Научное издание
  • Сокровенное лето
    Сокровенное лето
    Иванов И. В.
    Сборник рассказов
  • Диюр на Ижме
    Диюр на Ижме
    Ануфриев В. Е.
    Научно-популярная литература
  • Шиес
    Шиес
    Бешкарева Н. А.
    Научно-популярная литература
  • Московский математик Эммануил Шноль
    Московский математик Эммануил Шноль
    Шноль Э. Э.
    Научное издание
< >
Яндекс.Метрика