Паныдасям Ёртасян керкаын да ӧтвылысь гижам «Ӧтувъя коми диктант»

Дона лыддьысьысьяс! Со нин февраль тöлысь восьлалö, сiдзкö регыд кутам пасйыны чужан кывлысь лун. 2021 воын «Коми войтыр» ӧтмунӧм бара на вӧзйӧ нуӧдны «Ӧтувъя коми диктант» регионкостса велӧдан акция. Сыктывкарын диктант заводитасны гижны февраль 19-ӧд лунӧ 15:30 чассянь Ёртасян керкаын (водзвыв гижӧдчӧй +7-904-230-5117 телефон пыр).

Коми диктант гижӧм кузя акция таво мунас сизимӧдысь нин. Текстсӧ лӧсьӧдіс Коми Республикаса нималана гижысь Виктор Егорович Напалков.

Диктантсӧ вӧзйӧны гижны республикаса кар-районын, а сідзжӧ мукӧд регионъясын – Москваын, Санкт-Петербургын да сідз водзӧ.

Пасйӧм участникъяслы сетасны торъя бланокъяс, сідзжӧ налӧн лоас позянлун пырӧдчыны призъяс пудъялӧмӧ. Козинъяссӧ дасьтӧны акциялӧн ёртъяс да спонсоръяс.

Кыдзи и водзын, таво ӧтувъя коми диктант позьӧ гижны ӧтуввез пыр. Та могысь дасьтӧма видеодиктант да аудиодиктант. Видео- да аудиофайл йӧзӧдам миян библиотекалӧн сайтын. Файлъяс воссясны февраль 19-ӧд лунӧ 12:00 чассянь. Налы, коді гижас видеодиктант да ыстас скансӧ Оргкомитетӧ, пудъясьӧм бӧрын тшӧтш вичмас козин.

Ёртъяс, паныдасям февраль 19-ӧд лунӧ 15:30 часын Ёртасян керкаын да ӧтвылысь гижам «Ӧтувъя коми диктант».