г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 20.00

Суббота - выходной день

Воскресенье с 10.00 до 17.00

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
Пушкинская картаВорсантор (Время играть)Национальная электронная библиотека Республики КомиКультурная карта Республики КомиМы из КомиМифологическая карта Республики Коми. Проект «Время героев»Книжные памятники Республики КомиСвятые новомученики земли КомиБиблиотека памяти. Великой победе посвящаетсяЛегион умниковМузей книжной культурыЛитературные прогулки по Республики КомиЛитРес
16 февраля 2020

«Лыддьысям комиöн»/Обзор краеведческих новинок «Читаем на коми языке»

«Лыддьысям комиöн» 48-ӧд петас тöдмöдö Олег Уляшевлöн «Кад вылö вöрзьöмöн» небöгöн  да Людмила Зарниевналöн «Дзоляньлöн дзольгöм» повесьтöн.

Уляшев О. И. Кад пыр верзьöмöн = Сквозь времена верхом / Олег Уляшев ; [серпасалiс авт.]. - Сыктывкар : Анбур, 2019. - 247 лист бок : серпас. - Текст (визуальный) : непосредственный.
Уляшев О. И. Кад пыр верзьöмöн = Сквозь времена верхом / Олег Уляшев ; [серпасалiс авт.]. - Сыктывкар : Анбур, 2019. - 247 лист бок : серпас. - Текст (визуальный) : непосредственный.

Уляшев Олег Иванович чужис 1964-öд воын Кулöмдiн районса Вöльдiн cиктын. 1977 воын медводдзаысь видлic гижан сямсö: «Чушканзi» журналын йöзöдicны «Калбас видзысь кань» басня. Тима Вень нима Помöсдiнса шöр школаын велöдчöм бöрын пырис Сыктывкарса канму университетö филология факультетса коми юкöнö.

Уджалö Коми наука шöринса Кыв, литература да история институтын. Йöзöдчывлiс «Войвыв кодзув», «Арт» журналъясын, «Белый бор» альманахын да мукöд öктöдъясын.

Лэдзлic «Кӧмтӧм нывкалы», «Орд ордым», «Мойд дзебас» небöгъяс, а «Излань зыран, зарни зыран» лои вермысьöн республикаса конкурсын «Вося медбур небöг».  Гижис 300 гöгöр научнöй удж.

Олег Иванович кутö топыд йитöд Коми Республикаса шылада-драмаа театркöд, кодi 1990 воын пуктiс «Енколаяс йылысь поэма» пьеса. Сэсся тайö жö театрас вöлiны «Куллерво» (фин кыв вылын вуджöдöм), «Гытсан», «Коми сиктын важнога свадьба». А «Эзысь шабдi» тешысь сетiсны Виктор Савин нима государственнöй премия.

Олег Иванович Пырö Россияса гижысьяс котырö.

2019 воын гижысьлöн петiс выль небöг «Кад пыр верзьöмöн». Сборникас пырисны 1980-2016 – öд воясö гижöм висьтъяс. Тайö небöгас гижысь вöзйö висьтъяссö чужан кыв вылас да роч кыв вылö ас кинас вуджöдöмöн.

Öктöд артмö вит юкöнысь:

Сьöд вöла кад юкöнö пырисны «Пан пугорса шемöс», «Мизя Паш», «Егор Петырлöн кыв», «Письмö», «Сан», «Зятьпу» висьтъяс.

Биа вöла кад юкöн артмö «Тюлень кучик», «Немеч пöнар», «Сапöг пöв», «Погранец», «Жугавтöм стöкан» висьтъясысь.

Еджыд вöла кад шымыртö «Пышъялысь», «Ковбой», «Пöдруга», «Аддзысьлöм», «Кода ырöш», «Гöрд ключ», «Философ», «Уджйöз», «Бур суседъяс», «Танкист» гижöдъяс.

Сизим борда вöлöн пыртiс «Фактъяс», «Шöйöвошöм», «Кодзувъяс», «Öткöн», «Висьöм», «Автобус», «Пасъяс», «Льöм пу вуж» висьтъяс.

Бöръя коми видзанторъяс юкöнын «Кырнышъяс» гижöд.

Олег Уляшевлöн небöг cиöма быдсяма арлыда кыкнан кывъя войтырлы. Висьтъясын серпасалöма быд сикас лоöмторъяс олöмысь, паныдасьлöны и важъя историяысь  вöвлöмторъяс. Вöзъя тöдмасьны да донъявны Олег Уляшевлысь «Кад пыр верзьöмöн» выль небöг.

Втюрина Л. З. Дзоляньлöн дзольгöм : повести и стихотворения : [на коми и русском языках : для детей среднего и старшего школьного возраста] / Зарни Люся. - Сыктывкар : Коми республиканская типография, 2016. - 189 с., [1] л. портр. : ил. - Текст (визуальный) : непосредственный.
Втюрина Л. З. Дзоляньлöн дзольгöм : повести и стихотворения : [на коми и русском языках : для детей среднего и старшего школьного возраста] / Зарни Люся. - Сыктывкар : Коми республиканская типография, 2016. - 189 с., [1] л. портр. : ил. - Текст (визуальный) : непосредственный.

Втюрина Людмила Зарниевна - коми кывбур да проза гижысь, Россияса гижысь котырӧ пырысь.

Йöз пиын  нималö Зарни Люсяöн. Чужис 1964 воын изьвадорса Кельчиюр сиктын.

Велöдчис Кельчиюрса, Красноборса шӧр школаясын. 1985-ӧд воын эштöдiс Перымса канму культура институт. Тайö жö вонас пырис уджавны Коми Республикаса Самуил Яковлевич  Маршак нима челядьлӧн лыддьысянiнö.

Людмила Втюриналысь кывбуръяссӧ йӧзӧдöны республикаса газет-журналлӧн лист бокын, литература альманахъясын да кывбура гижöдъясын.

«Шоныд діяс» нима медводдза небӧг петiс 2006-ӧд воын, воддзö чужисны «Майбыр кад» «Тöвся öшкамöшка», «Олöмлы ода», «Шоныдін» кывбура ӧктӧдъяс.

Зарни Люся дасьтöма «Дзолюк» да «Кекöнач» передачалы коми кывъя сценарийяс, вуджöдöма рочö Соломония Пылаевалысь мойдъяс.

Людмила Зарниевна гижö коми, роч и аслас чужан кывйöн – коми-изьва. Некымын кывбур гижысьлысь вуджöдöма эст кыв вылö.

Талун ми тöдмасям авторлöн выль петасöн. Шусьö «Дзоляньлöн дзольгöм». Повесть пыртö ас пытшкас  кызь кык висьт, кöнi петкöдлöма 1940-öд воясся челядь олöм. Шöр герой Лиза нима нывка, чужис Луздор районса Объячево сиктын, быдмöм и сöвмöм веськалi война кадö. Фронт вылö колльöдicны нывлысь батьсö, нёль тöлысь мысти воис выччысьтöмтор, юöртöг вошис Лизалöн айыс.

Кад мунiс водзö. Лиза мöдöдчис медводдза классö. Старайтчис велöдчыны бура, отсасис мамыслы.

Быд висьт йитчöма война кöрöн, висьтъяс пыр асьныс геройяс, а тайö челядь, и ми, лыддьысьысьяс, тöдмасям война серпасöн. Петкöдлöма тшыг во, мамъяслöн сьöкыд удж, сиктса йöзлöн отсöг фронтлы.

Война дырйи быдмысь Кулига грездса челядьлöн олöмыс эз вöв кокньыд, но век жö дзольгис Дзолянь ключлöн гажа шы моз. Öд быд мортлöн челядьдырыс овлö öтчыд, и тайö быдöнлöн медся майбыр кад.

Людмила Зарниевналöн повесть гижöма кык кывйöн, комисянь рочö вуджöдöма ачыс автор. Небöг помын пыртöма луза-летка сёрнисикаса кывкуд. Мичмöданторъяс серпасалiс Геннадий Николаевич Шарипков.

Со и тöдмасим Людмила Зарниевналöн «Дзоляньлöн дзольгöм» выль петасöн.


Дона лыддьысьысьяс, чужан кывлы донсö аслыным колö кыпöдны – унджык коми кыв вылын небöг лыддьыны, олöмын пырджык вöдитчыны, ас ныв-пиянкöд сёрнитны, пыртны тайöс налы вираныс, висьтавны, кутшöм мича да колана ас кывным. Таысь ставным озырджыкöсь лоам – пытшкöсным и мöвпъясным.

  • Сэр Мартин. Возвращение на родину
    Сэр Мартин. Возвращение на родину
    Самарский М. А.
  • Брошенные тексты
    Брошенные тексты
    Верник И. Э.
    Биография
  • Леонид Гайдай. Любимая советская комедия
    Леонид Гайдай. Любимая советская комедия
    Раззаков Ф. И.
    Биография
  • Изобретения. Как придумали смайлик, гугл и вертолет
    Изобретения. Как придумали смайлик, гугл и вертолет
    Коломбо М.
    Научно-популярная литература
  • Побеждаешь сегодня-побеждаешь завтра
    Побеждаешь сегодня-побеждаешь завтра
    Кот Д.
    Научно-популярная литература
  • Финансовый гений есть в каждом
    Финансовый гений есть в каждом
    Кузнецов А. П.
    Научно-популярная литература
  • Дизайн впечатлений
    Дизайн впечатлений
    Rossman R.
    Научно-популярная литература
  • SAUDI, INC. История о том, как Саудовская Аравия стала одним из самых влиятельных государств на геополитической карте мира
    SAUDI, INC. История о том, как Саудовская Аравия стала одним из самых влиятельных государств на геополитической карте мира
    Wald E. R.
    Научно-популярная литература
< >
Группа компаний СевермедиаМинистерство культуры и архивного делаБНК информационное агентствоКонсультант плюсГосуслуги Республики КомиРостелекомГазета "Республика"Телеканал "Юрган"Информационное агентство КомиинформГТРК КомигорГазета РадугаЖурнал АРТСоюз писателей Республики КомиНациональная галерея Республики КомиКоми научный центр
Яндекс.Метрика