г. Сыктывкар

ул. Советская, 13

8 (8212) 255-422

leninka@nbrkomi.ru

Пн. - пт. с 10.00 до 20.00

Суббота - выходной день

Воскресенье с 10.00 до 17.00

Последняя среда месяца - санитарный день

НАЦИОНАЛЬНАЯ БИБЛИОТЕКА РЕСПУБЛИКИ КОМИ
Умная библиотека для общества знаний

Меню
05 июня 2019

Лыддьысям комиöн (Читаем по-коми)

2019-öд во. 44-öд петасъяс

"Лыддьысям комиöн" 44-öд петасын вӧзъям тöдмасьны Владимир Тиминлöн куим небöгö öтувтöм гижöд чукöрöн да Светлана Говорухиналöн выль кывбура öктöдöн.

Куим небöгö öтувтöм гижöд чукöр. Т. 1 / Владимир Тимин ; [лöсьöдiс : Л. В. Чиркова ; водзкыв : Татьяна Кузнецова, Анастасия Малева]. - Сыктывкар : Коми Республикаса гижысь котыр, 2018. - 590, [1] лист бок : портр.

Владимир Васильевич Тимин – республикаса нимйöза поэт, паськыда тöдса, ыджыд сяма коми гижысь. Чужис 1937 вося сора мöдöд лунö Сыктывдiн районса Пажга сиктын. Эштöдiс Печораса речнöй техникум, армияысь воöм бöрын велöдчиc Коми пединститутын. Уджалiс Коми наука шöринын, республикаса радиоын, Зеленеч сиктса школаын директорöн, телевидениеын редакторöн, республикаса Печать да юöр сетан Агентствоын юрнуöдысьöн, "Войвыв кодзув" журналын шöр редакторöн, гижысь котырöн веськöдлысьöс вежысьöн.

Владимир Тимин ассьыс литература олöмсö заводитic "Пöрысь вöв" кывбурöн, сэсся петiс медводдза кывбура чукöр "Туйын да гортын". Озырмöдic коми литературасö и прозаöн. "Эжва Перымса зонка", "Пармаын вошöм БТР" да мукöд повесьтъяс серти пуктöма театрын спектакльяс.

Талун ми тöдмасям Владимир Тиминлöн куим небöгö öтувтöм гижöд чукöрöн, петавлic 2018 воын.

Медводдза томö пыртöма уна во чöжöн гижöм кывбуръяс, кöнi медшöр мöвпнас лоö чужан му да сылöн важъя олöм, коми кыв да сiйöс видзöм-лелькуйтöм, ас йöз вöсна тöжд да аскиа лунö эскöм.

Поэт миянöс чуйдöдö аддзыны, кывны, мöвпавны да гöгöрвоны олöмыслысь мичлунсö. Сiйö пырöдчö мортыслöн пытшкöсöдзыс. Тöдмалö быдöнлысь этшсö, олансямсö, сьöлöм вöрзьöмъяссö.

Ме кывбур гижи

Эг нин öти дас.

Дерт, абу ставыс сэтшöм,

Кутшöм колö,

Но весиг медся жебиникыс

Ас –

Öд сэнi менам мöвп,

Öд сэнi менам олöм.

Владимир Тимин тöдса кыдзи коми кывйöн гижысь поэт, кодi петкöдлö ассьыс геройяссö уна боксянь. Зiльö отсавны лыддьысьысьлы, шонтыны налысь сьöлöмъяснысö.

Тайö небöг позьö босьтны республикаса библиотекаясысь: вуджны Öтувтöм краеведческöй каталогö

Дона сикöтш : кывбуръяс / Светлана Говорухина. - Сыктывкар : Анбур, 2019. - 79 лист бок : серпас.

Светлана Ювинальевна Говорухина чужис 1959 вося косму витöд лунö Сыктывкарын, быдмис ыджыд семьяын Косланын. Эштöдiс Сыктывкарса университетын филология юкöн. Велöдic Ёдваса школаын, нуöдic внекласснöй удж, директоралic. Сэсся нёль во уджалic Сыктывкарын, Финн-йöгра культура шöринын. Öнi веськöдлö удораса землячествоöн юркарын.

Кывбуръяс гижö ичöтдырсянь. Йöзöдчывлic "Выль туйöд", "Коми му" газетъясын, "Эзысь ёльяс", "Шондiа лун" сборникъясын.

Светлана Говорухина кывбуръясас нимöдö чужанiнсö, чужан кывсö, аттьöалö бать-мамсö, майшасьö челядь да внукъяс вöсна, мöвпалö олöм йылысь, ыджыд места сылöн творчествоын босьтö муслун.

Уна кывбур сиöма аслас мамыслы. Мам йылысь кывбуръяс йиджöны сьöлöм пытшкöсöдзыд.  Быд мортлы мам медся мусаыс да донаыс.

Гижысьлöн Удора чужанiн некор вунлытöм. Казьтылö челядьдырся кад, тöдчана инъяс, чужан му дiнö муслун. Ставсö тайö позьö аддзыны Светлана Говорухиналöн кывбуръясысь.

Ме кöсъя, мед Удора озыра олic,

Мед шудлун сы дорö тшöкыда волic,

Мед пузчужöм кагалöн лыдыс эз чин,

Мед муслунöн шоналic ас чужанiн.


Ёртъяс, лыддьысьöй миянкöд öтшöтш, радейтöй чужан кыв. Коми гижысьяслöн небöгъяс вылас быдмис и быдмас на вель уна морт. Став бурсö ставныслы!

Выль петасъясöн позьö тöдмасьны Национальнöй библиотекаын, небöгъяс сiдзжö верманныд босьтлыны гортö лыддьöм вылö.

ЛЫДДЬЫСЯМ КОМИÖН (ЧИТАЕМ ПО-КОМИ)
2019-öд во. 44-öд петасъяс
  • Четыре тысячи недель
    Четыре тысячи недель
    Burkeman O.
    Научно-популярная литература
  • Портфель возможностей
    Портфель возможностей
    Мезенцева О.
    Научно-популярная литература
  • Лидерство
    Лидерство
    Научно-популярная литература
  • Алхимия : тайное искусство и тонкая наука магии в брендах, бизнесе и жизни
    Алхимия : тайное искусство и тонкая наука магии в брендах, бизнесе и жизни
    Сазерленд Р.
    Научно-популярная литература
  • Переломный момент
    Переломный момент
    Gladwell M.
    Научно-популярная литература
  • Бизнес-модели : 55 лучших шаблонов
    Бизнес-модели : 55 лучших шаблонов
    Гассман О.
    Научно-популярная литература
  • 52 понедельника
    52 понедельника
    Johnson V.
    Научно-популярная литература
  • Бизнес incognita
    Бизнес incognita
    Каплан Я.
    Научно-популярная литература
< >
Яндекс.Метрика