«Мыла коми кыв»

2018 вося кӧч тӧлысь 28 лунӧ Национальнӧй библиотекаса уджалысьяс нуӧдісны «Мыла коми кыв» тӧдмӧдана-ворсӧдана уджтас Коми Республикаса шылада-драмаа театрӧ локтӧмаяслы.

Театрӧ петӧм – тайӧ выль проект, кодлӧн могыс матӧджык тӧдмӧдны войтырӧс уна вояс сайын лэдзӧм небӧгъясӧн да гижӧда выль петасъясӧн, а сідз жӧ ӧтуввезйын меститчӧм коми кыв, литература да культуракӧд йитчӧм библиотекаӧн лӧсьӧдӧм сайтъясӧн.

Кончерт водзын да антракт дырйи видзӧдысьяс листалісны «Коми шылад» выставка вылысь небӧгъяс, ворсӧм пыр казьтыштісны коми йӧзкостса ворасанторъяс да налысь сикасъяс.

Пасъям, мый шылада искусстволы сиӧм гижӧдъяс, сьыланкывъя небӧгъяс да дискъяс позьӧ аддзыны миян библиотекаысь. Тані оз сӧмын чукӧртчы сьыланкывъя культура серти материал, но и нуӧдчӧ ыджыд удж сійӧс паськӧдӧм да унджык войтырӧс тӧдмӧдӧм могысь. Библиотека сетӧ позянлун тіянлы кывзыны Прометей Чисталёвӧн чукӧртӧм фольклор материал, кодӧс сійӧ чукӧртӧма 1960-1980 воясӧ Удора, Кулӧмдін, Чилимдін, Сыктывдін да мукӧд районъясын. Нӧшта таво восьтісны нимала шылад тэчысь Александр Осипов нима шӧрин, коді шымыртас да кутас водзӧ йӧзӧдны – тӧдмӧдны тайӧ да мукӧд коми сьыланкыв гижысь йӧзлӧн уджъясӧн да олантуйӧн.