Сыктывкар, Советская 13

+7 (8212) 24-20-04

leninka@nbrkomi.ru

пн-пт: 10 - 20

вс: 10 - 17

сб: выходной

Национальная библиотека Республики Коми
Умная библиотека для общества знаний
Расширенный поиск
27 сентября 2018
Читаем по-коми

Уважаемые читатели, представляем вам очередной, тридцать девятый выпуск обзора книг на коми языке. Вы узнаете о новом библиографическом указателе из серии «Писатели Республики Коми» и повести Ивана Ногиева «Генерал гӧтыр».

Лыддьысьöй миянкöд öтшöтш, лыддьысьöй комиöн!

2018-öд во. 39-öд петасъяс

Егор Васильевич Рочев (1937-2012) : биобиблиогр. указ. / ГБУ РК "Национальная библиотека Республики Коми", библиогр. отдел ; ФГБУН "Институт языка, литературы и истории Коми научного центра Уральского отделения Российской академии наук". – Сыктывкар, 2017. – 51 с. : ил. – (Писатели Республики Коми ; вып. 10).

Егор Рочев чужис ылi Войвылын – Большеземельскöй тундраса кöр видзысь семьяын. Помалiс 8 класс, сэсся рытъя школа да М. Горький нима Москваса литература институт. Уджавлiс Ухтаса механическöй заводын, служитiс Армияын.

1977-öд восянь бура дыр уджалiс "Войвыв кодзув" журналын, сэки и заводитiс гижны. Пырис Россияса гижысь котырö. Кувсьылiс 2012-öд вося октябр 9-öд лунö.

Егор Рочевлысь висьтъяс да повесьтъяс йӧзӧдлісны "Арт", "Войвыв кодзув", "Молот", "Север", "Современник" журналъяс; "Живая вода" да "Плоты плывут" öтувъя небöгъяс. "Митрук петö тундраысь" повесьт вуджöдöма роч, украина, эст, удмурт, молдова кывъяс вылö. Эмöсь торъя небöгъяс: "Батьлöн ордым", "Лёва", "Сьöлöмын вурыс", "Лöз тундра", "Менурей", "Морттуй", "Кузь вöт" да мукöд.

2017-öд воын Егор Васильевичлы тырис эськö 80 арöс. Такöд йитöдын 2017-öд вося "Войвыв кодзув" журналлöн витöд номерын йöзöдöма Алексей Поповлысь "Тундраса Ёгор" статья. Нимйӧза гижысь сьöлöмсяньыс казьтылö ассьыс уджъёртсö. Нӧшта тайö журналас сетӧма Егор Рочевлысь куим висьт: "Сöмын милицияö эн сюрöдчы", "Гыча юква" да "Пернапас чöвттöг".

Нöшта колö содтыны, мый Национальнöй библиотека да Коми наука шöринын уджалысьяс öтвыв дасьтiсны "Егор Васильевич Рочевлы" сиöм библиография индысь. Тайö небöгас эмöсь фотояс: Коми гижысьяслöн архивысь, челядьлы Маршак нима Национальнöй библиотекаысь да Изьваса ас му туялан музейысь. Филология наука кандидат Т. Л. Кузнецова гижис Е. Рочевлöн олантуй кузя водзкыв, сетöма гижысьлысь йöзöдöмъяс, вуджöдöмъяс, казьтылöмъяс. "Егор Васильевич Рочев" библиография индысь сетас отсöг велöдысьлы, коми гижысь творчество туялысьлы да велöдчысьлы.

Ногиев Иван Иванович. Генерал гӧтыр : повесьт // Войвыв кодзув. 2018. 1 №. 6-43 лист бокъяс. Пер. загл.: Жена генерала: повесть.

Художествоа гижöдъяс лыддьыны радейтысьяслы бура тöдса Иван Ногиевлöн (Парма Вань) нимыс. Чужис сiйö Кулöмдiн районса Парма грездын 1952-öд вося сентябрь 18-öд лунö. Помалiс Кулöмдiнын шöр школа, Егорьевскöй авиационнöй техническӧй училище да Сыктывкарса каналан университет. Уджаліс Печора карын авиатехникöн, велöдіс Кулöмдiнса шöр школаын, водзӧ зілис пытшкӧсса делӧяслӧн Кулöмдiнса юкöнын.

Иван Ногиев дыр нин йöзöдчӧ коми газет-журналын: уна висьт сылöн петавліс Кулӧмдін районса "Парма гор" газетын, "Войвыв кодзув" да "Чушканзi" журналъясын, "Аняби" ӧтувъя небӧгын.

Иван Ногиевлӧн "Винегрет" (2011) нима торъя небӧгӧ пыртӧма матӧ кызь воӧн гижӧм висьтъяс: "Руб", "Сауна", "Бӧра пять", "Мамӧ шуис…", "Волшебнӧй чашка-блюд" да мукӧд, а сідзжӧ кык повесьт: "Виччысян кӧ – воа" да "Век ӧд он дзебсясь". Быд гижӧдын тӧдчӧ авторлӧн аслыссяма видзӧдлас да олӧмсӧ донъялӧм.

Талун видлöг вылӧ босьтам гижысьлысь "Генерал гӧтыр" нима повесьт, кодӧс йöзöдіс "Войвыв кодзув" журнал 2018-öд вося медводдза номерын. Шöр герой – Света Бузина, ӧтка ныв. Мамыс – Öльӧш Наталь тшӧкыда шулывліс сылы, мед оз дыр ветлы рытъяснас да ыліті кытшлалас быдсяма шпанасӧ. Но кывзан ӧмӧй мамыдлысь велӧдӧмсӧ, кор тэ том. Сӧмын на школа помалісны, некод оз тӧд, мый виччысьӧ найӧс водзын. Дерт, водзвыв нин артыштӧма, коді кытчӧ кӧсйӧ пырны велӧдчыны. Света Бузина медся матысса нывъёрт Маша Турьевакӧд кöсйöны мунны медколледжӧ. Но тайӧ абу талунъя шог, а аскиа. Талун нывъяслысь сьӧлӧмъяссӧ некутшӧм майшӧг оз топӧд.

Света Бузина кутіс ёртасьны Крутов Володькӧд. Öльӧш Наталь ӧлӧдліс нывсӧ, мед тайӧ зонсӧ ас бердас оз матö сибӧд. А Света повзьӧдліс мамсӧ, мый вермас кольны пӧрысь нылӧн. Та вылӧ мамыс шулывліс, чурка кӧ ваяс – став олӧм вылас сылы крест позяс пуктыны, грамота перйӧм йылысь ковмас вунӧдны, а сытöг миян кадӧ прамӧй удж оз сюр.

Эз весьшӧрӧ Öльӧш Наталь пов, ылӧдліс нывсӧ Крутов Володьыд. А мыйӧн помасяс "Генерал гӧтыр" нима повесьтыс, ті тӧдмаланныд асьныд. И сiдз, И. Ногиев "Генерал гӧтыр" повесьт – 2018-öд во, "Войвыв кодзув", медводдза номер.


Ми лоам зэв радöсь, кутанныд кö и водзö тöдмасьны миян "Лыддьысям комиöн" петасъясöн да пыравлыны Национальнöй библиотекаö! Виччысям!

Новинки
  • Китай. Его жители, нравы, обычаи, просвещение
    Бичурин Никита Яковлевич
    Сборник
  • Социокультурное проектирование исторических поселений и малых городов России. Участие населения и организация партнерств
    Севан Ольга Георгиевна
    Монография
  • Компетенция. Компетентность. Компетентностный подход
    Рудинский Игорь Давидович
    Монография
  • Геополитический код дороги : от караванного пути до хайвея
    Терновая Людмила Олеговна
    Монография
  • Этногерменевтика русской сказки
    Пименова Марина Владимировна
    Монография
  • Красные маки для княгини. Материалы к биографии княгини Елены Петровны
    Шевцова Г. И.
    Монография
  • Последняя Конституция Советского Союза. К вопросу о создании
    Стрекалов И. Н.
    Монография
  • Китайский юань : на пути к глобальному статусу
    Селищев А. С.
    Монография
  • Эволюция государства: историческая динамика и теоретическая модель
    Любашиц В. Я.
    Монография
  • Смерть и умирание: новый взгляд на проблему
    Перриш-Хара К. У.
    Монография
  • М. Пришвин и Природа. К развитию пейзажа в прозе XX века
    Гринфельд-Зингурс Т.Я.
    Монография
  • Радуга и Вереск
    Ермаков Олег Николаевич
    Роман
  • Рецепты сотворения мира : от Парижа до Сибири через весь XX век
    Филимонов Андрей
    Роман
  • Бюро проверки
    Архангельский Александр Николаевич
    Роман
  • Олöм войтъяс
    Попов Алексей Вячеславович
    Современная проза
  • Полёт невозвратимый
    Мирошниченко Надежда Александровна
    Поэзия
  • Академик Асхаб Магомедович Асхабов : к 70-летнему юбилею
    Научное издание
  • Корт Айка
    Рассказ
  • Кöчильлы козин
    Шомысова Алёна
    Рассказ
  • Республика Коми. 2018
    Путеводитель
  • Книжные центры Республики Коми: Усть-Цилемский район
    Научное издание
  • Вуктыльские открытия
    Научно-популярная литература
  • Исследователи коми языка
    Биобиблиографический указатель
  • Республика Коми в вопросах и ответах : рабочая тетрадь
    Учебное пособие
  • Приготовление, оформление и подготовка к реализации холодных и горячих десертов
    Данильченко Светлана Андреевна.
    Учебник
  • Информационные технологии в менеджменте
    Моргунов Александр Федорович.
    Учебник
  • Время
    Хасанов И. А.
    Энциклопедия
  • Право Европейской конвенции по правам человека
    Харрис Д.
    Научное издание
  • Щит и меч Советского Союза
    Тумшис М. А.
    Справочник
  • Творцы советской детской книги: прозаики, поэты, художники
    Справочник
  • Энциклопедия истории США
    Согрин В. В.
    Энциклопедия
  • Раунд : оптический роман
    Немзер Анна Андреевна
    Роман
  • Летопись жизни и творчества Михаила Юрьевича Лермонтова
    Захаров В. А.
    Cправочное издание
  • Княжеские, графские и баронские роды Российской империи
    Васильевич С.
    Справочник
  • Ежевичная зима
    Джио, Сара
    Учебное пособие
  • Бриджит Джонс. Без ума от мальчишки
    Филдинг, Хелен
    Учебное пособие
  • Бриджит Джонс. На грани безумия
    Филдинг, Хелен
    Учебное пособие
  • Цвет волшебства
    Пратчетт, Терри
    Учебное пособие
  • Безумная звезда
    Пратчет, Терри
    Учебное пособие
  • Посмотри на него
    Старобинец Анна Альфредовна
    Роман
< >
  • Мы в соц сетях
  • Яндекс.Метрика